دەم پارتی جە ئەرەیاوێوە نویسریانە یاڏو ١٢٧ ساڵەو ڕۆنامەگەری کوردیش موبارەک کەرد و دەستنیشانش کەرد ڕۆنامەو کوردەسانی پەی ڕۆشنکەردەیۆ کوردەسانی هەنگامێوە گۆرێ بێ پەی یاوای بە هۆشمەندی نەتەوەیی و ئەوەکۆشای یەکسانی و ئازادی واتش: "ڕۆنامەو کوردەسانی کە جە ئەرەیاونێوە کوردینە بییەن بە نوقتێ دەستپێکی و وەرچەرخانی، داخەم مەشۆ جە تاراوگەنە دلێ بارودۆخێ فرە قورسەنە بەرشی و گرڏ فشارێش سەرۆ بێ، گوزارشتش جە حەقیقەتو کوردەسانی و گەلوو کوردی کەرد."

جە بەردەوامیینە ئامان: "ڕۆنامەو کوردەسانی بێچکە جە هێڵە و ئەوەکۆشای ڕۆنامەوانی وێش، بییەن نامێ حەقیقەتێ کە ١٢٧ ساڵی ویەردێ جە وەرکەوتوو مییامینینە، جە دژو نکۆڵیکەردەی و، دلێنە بەردەی و تۆڵەکەردەیۆ بی بە ڕۆشنای. پۆکەی ڕۆو بەرشییەو ڕۆنامەو کوردەسانی جە ٢٢ی نیسانو ١٩٨٩یۆ پێسەو ڕۆو ڕۆنامەوانی کوردی پەسەن کریا و موبارەک کریا. ١٢٧ ساڵێن بە بە هەزاران ڕۆنامەوانیێ کوردی چنی گرڏو ئێش و ئاستەنگییەکا، چنی سیاسەتەکا نکۆڵیکەردەی و دلێنە بەردەی سەرو ئا ڕاو میقداد بەدرخان کەردشۆ بە قەراردارییۆ درێژەش پنەمڏەیمی و ئی نەریتەیە پارێزنمێ. ڕۆنامەوانێ کوردی کە حەقیقەت منوساوە، گرڏ بیێ گەواهیدەرو مڏرامانی و هەمیچ بیێ بەشێ چی تاریخوو مڏرامانی. پەی ئینەیچ قوربانی قورسشا دان."