تەرسەی گەورۍ پەدەکەی چا توڕەییەو خەڵکوو پانیشتین، کە ڕۆ بە ڕۆ زیاتەر مبۆ و متەرسۆ بواڕیۆ پەی هێزێوە بە ڕێکوستەبیەی. چوونکی ئاگاڎارا جە نەریتوو مڎرامانوو گەلی.

دەوڵەوتو تورکی ئەرەگیری بە هامکارییەکاو پەدەکەیۆ بەردەواما جە پلانەی ئەرەگیریۍ. بەمەڵامەتوو دەوری نۆکەری و خراپوو پەدەکەی، ئیتر هەم گەریلا و هەم گەلیچ ئارامیشا نەمەنەن. ئەرەنیشتۍ ئامێدی کە گرڎ ڕووۍ کارەوانی سەروازی تورکیای دلۍ زېڵۍ شارەکەیشارە موییەرۆ، دەگانشینا گوهەرزێ کە ڕووانە بۆردوومانوو باخ و باخاتوو دەگاکېشا مکریۆ، ئەرەنیشتا مژێ و سپینداری کە بەزۆری زۆرداری جە دەگایەکاسانە بەرۍ کریا، خەڵکوو سەرگەلێ کە گرڎوو زەمینە کشتووکاڵییەکاشا ئێرش وەر مڎریۆنە ئینۍ چەمەڕایی ئا ڕووەینە کە جە نۆکەرییەکاو پەدەکەی و ئەرەگیریەکا سوپاو ئەرەگیروو تورکی نەجاتشا بۆ. هومېڎیی گۊرەشا سەرکەوتەی گەریلاین چی جەنگەنە.

 

تەرسەی گۊرۍ پەدەکەی جە توڕەییەکا گەلین کە ڕۆ دماو ڕۆی زیاتەر مبۆ و بواڕیۆ پەی هێزێوە بەڕێکوستەبیەی. چونکی پەدەکە فرە عال مزانۆ بە هەڵویستێنۍ و هۊرگیرۍ نەریتوو سەرهۊرداینۍ. دماوستەی هۊرچنیەکا ئاماژەن پەی تەرسەو پەدەکەی  جە ئیراڎەو گەلی. هۊرچنیەی کە بنەماو دیموکراسییا چڼین ساڵېن دماش وزۆ. پەدەکە جە هۊرچنیەی متەرسۆ. بێگومان چی کاتەنە کە هرووژمە ئەرەگیریەکۍ ئینۍ بەرزتەرین ئاستوو ۋێشانە، پەدەکە سەرحاڵوو نۆکەرییەکاشا پەی ئەرەگیرا،نەک ئانەی چنی گەلی بۆ.

ئایە سەروازا تورکی گێڵیارێنێ؟

میدیاو پەدەکەی دماو هجوومەکاو ٣ی تەموزی سوپاو تورکی پەی کەمکەردەیوەی ناڕەزایەتییەکاو خەڵکی، بانگەشەی درۆینەش دەس پەنە کەرد و پاسە هەرێمەکەش نیشانە دا کە گرد چێوێ ئاراما و سەقامگیرا.

 

میدیاو هیچ وەڵاتێوێ پەی ئاساییکەردەیوە و ڕەوایەتیدای بە ئەرەگیرکاریی خاکوو وڵاتەکەیش هیچ وەختێو ئی هەرمانێ نمەکەرۆ!

 

وەختێ تەماشاو هەواڵەکاو کەناڵوو کوردستان٢٤ سەروو شاروو ئامێدی مکەرمێ، واوەی ە میاومێنە چانەیە، کە چاپەمەنیی پەدەکەی ئینا بانگەشەی درۆینەنە و جەنگی تایبەتەنە هیچ سنوورێو نمەزانۆ.

 

پەیامنێرەکەو کورستان٢٤ ماچۆ شاروو ئامێدی گێڵیارێوی فرێش پەی وێش کێشتێنێ، باسوو وەشێ و جوانیی سروشتوو یاگەکێ مکەرۆ. ئایا سوپای ئەرەگیرکەرەو تورکی کە شاروو ئامێدی و دەوروبەریشنە تەراتانیشانە، لاشاوە گێڵیارێنێ؟ ئایا باسوو کام جوانی مکەرا؟ سەروو کەشوو ئامێدییوە، کە ئینا نزیکوو شارەکەینە و کوشندەتەرین چەکی کیمیاییش وەرامبەروو گەریلایوە چنە بەکار مارا، ئینە جوانیین پەیشا؟  یا دارستان و سروشتوو سەرگەلێ و دەگایەکاو ئامێدی مسۆچانێ جوانیین؟ کامەن جوانی؟ ئایا چەمەڕایی سۆچنای ڕۆڵەکاو کوردی جوانین و وەشیین پەیشا، کە بۆنەو بۆردومانەکاو سوپای تورکیوە مسۆچانە؟

 

پەیامکیانوو کوردستان٢٤ی دماتەر تا نیشانەش بدۆ، کە شاروو ئامێدیی ئینا ئارامییەنە دیمەنوو بڕێو جە کووجییەکاو شارەکە مفاڕۆوە. هەڵبەت یەک تۆز چەموو کامێرەکەی بارۆ ماوە ئا هەرێمەیە موینۆ، کە سوپای ئەرەگیرکەرەو تورکی ئەرەگیر کەردەن. گەر کوچێو چەموو کامێرەکەیش ورچەرخنۆ سەروو کەشوو ئامێدی، موینیۆ کە چەنی لاو ئەرەگیرکەری تورکیوە بۆردومان مکریۆ. تا ئا بۆردومانە بەرنەگنۆ چەمێ کامێراکەیش موزۆ سەروو یاگیوی وەرتەسکێ و یۆ-دووە کەسێ دلێ بازاڕەکەینە نیشانە مدۆ. دماتەر چند چەمپەنەکەوتەێوە وەڵا مکەرۆ، کە وەڵتەر ئامادەش کەردێنێ، ئا کەسە کە قسەکا مکەرۆ ماچۆ ڕوانە هەزاران گێڵیارێ ڕووە مکەرا ئامێدی، هیچ دۆخێوی نائاسایی نییەن و فرە ئاراما.

تیموو جەنگوو تایبەتوو پەدەکەی جە ڕووەو گێڵنای دەوروو یەرە مەیموونەکەیوە بەتەمامی بیێ بە پسپۆر.

هەوڵدایەکێ پەی ڕەوایەتیدای بە ئەرەگیرکاری

هەڵبەت گەر خەڵکوو ئامێدی گۆشێشا بگێرا هەر گۆششا دەنگوو تەقایوە و بۆردوماناوە بۆ، یانەکایچشانە نەلانە بەرۆ هەست بە سۆچنای دارستانەکا مکەرا.  دەماخیچ بینا حەر بووەو ئا چەکە کیمیاوییا مکەرا، کە کەشوو ئامێدینە وەڵا بیێنۆ، چەنی ئا کارەوانە سەروازییا نمەوینا، کە شارەکەشارە مویەرانێ.

ڕسموو بابەتە سەرەکییەکەی نمەوینا، نمەژنەوا پۆکای بانگەشە مکەرا کە ئینێ دلێ ئارامیینە، مەگەر ئینە سەیەو گەریلایوە نییەن، کە  ماوەو دووێ ساڵان چا هەرێمەنە دژوو ئەرەگیرکاری مدرامان مکەرا؟ مەگەر سەیەو ئا قارەماناوە نییەن کە دووێ ساڵێن سەروو کەشوو ئامێدییوە ڕا بە سوپاو تورکی نمەدانە بێ و شارەکەی ئەرەگیر بکەرۆ؟ بێگومان گەر فیداکارییەکاو گەریلای نەبیێنێ هیچ کەسێو نەتاوێ بانگەشەو ئانەیە بکەرۆ ئامێدی ئینا دلێ ئارامیینە. گەر ئارامیێوە بۆ گردش ئینا سەیەو ونەو گەریلایوە، کە سەروو  کەشوو ئامێدییوە مجیۆ.

ئارامی نییەن، هجوومی ئەرەگیرکاری هەن

هیچ ئارامیێوە مەیدانوو ئامێدیینە نییەن، ئامێدیینە گەورەتەرین هجوومی ئەرەگیرکاریی هەن تارێخوو پانیشتوو کوردستانینە. سەروازاو تورکی نامێمێ جوانیی ئامێدیی بوینا. لوێبا حەر لاێوی وەرکەوتوو دلێڕاسەیەنە جگە جە هەڕەشەکەردەی، دەسدرێژیکەردەی و کۆکوشت هیچی تەرشا نەکەردەن. هیچ چیوێ تەر جگە جە کاولکاری نمارانە ئامێدییوە. پەوکای ئانێ بانگەشەو ئانەیە مکەرا کە شاروو ئامێدیی ئینا ئارامیییەنە، هەر ئانێنێ هەوڵێ ئانەیە مدانێ ڕەوایەتی بدانە بە ئەرەگیرکاریی تورکی، گەر هجوومە ئەرەگیرکارییەکێ نەمردیا ئانە وەرپەرسێ ئێشوو ئا خەڵکەینێ.

گەریلا پارێزنەروو شکۆی و ڕوومەتییا

ڕابەر ئاپۆ ورسەنگنایەکاشەنە بەنامێ دیایەکاو پانیشتیوە ماچۆ'پەدەکە هێزی نۆکەرا و وێش بە ئیرادەی سەروەریوە وابەسە کەردەن، حەروەختێوە کە ئیرادەو سەروەری و باڵادەسی گەرەکش بۆ، بە ڕا و ڕێبازی جیاوازیوە بەشداری بە جەنگی بکەرۆ. حەر پەی وێش ی بەشداریچ بییەن. یانی  جگە جە هێزێوی لکەدریای بە باڵادەسەکا، هیچی تەر نییەن. ڕژێموو تورکی سەروو ئی بنەمێوە پەشتگیریی مدۆ بە دەوڵەتی فیدراڵی و هەم مپارێزنۆش. ئامانجوو ئینەیچە ئانەنە کە پەکەکەی پانیشتنە گۆشگیر بکەرۆ، هەنگام بە هەنگام هێزە نۆکەرەکاو کوردی پانیشتەنە دژوو پەکەکەی بدۆ جەنگ."

کارەکتەری هامکار و نۆکەریی چندین ساڵەو  پەدەکەیش شی کەردەنۆ

شیکاری و تەسەورەکاو ڕابەر ئاپۆی دەربارەو بونیاتە کۆمەڵایەتی، سەروازی و سیاسییەکاو هەرێمەکەی، تەنانەت دماو دەیان ساڵا جە خەباتوو گەریلای  مبانە بە یاگێ وینای. وەروو ئانەیە ئا هێزە کە خاس جە کارەکتەروو ئەرەگیرکاریی دەوڵەت-نەتەوەو تورکی میاوۆنە، ئا هێزە کە پارێزنەروو ڕوومەتوو گەلوو پانیشتوو کوردستانین، گەریلاکاو ئازادیی کوردستانینێ.

میدیاو پەدەکەی بە واتەی 'ئامێدی ئینا ئارامییەنە، گێڵیاری ئینا گەشەنە ئامێدیینە' تەنیا نۆکەرەکاو بنەیانەو بارزانیی مخەڵەتنۆ، گەلوو کوردیی وەڵاتپارێزنی کە داراو نەریتوو سەرەورداینێ، هیچ وەختێو نمەخەڵەتیانێ. هەرگیزا وهەرگیز نمەتاوۆ گەریلاکاو ئازادیی کوردستانی بخەڵەتنۆ.