کۆمیتەو ڕاوەبەری جمیەرو شۆڕشو یۆگێرتەو گەلا (هەبەدەهە) ئەرەیاوناش: "تەڤگەرو شۆڕشو یۆگێرتەو گەلا جە ١٢و ئادارو ٢٠١٦نە جە هەرێمەکا پارێزناو مەدیای و جە هەمانکاتەنە جە کۆڵانەو گازی ئەرەیاویا.

هەبەدەهە جە ئەرەمەرزنایشۆ جە تورکیا و کوردەسانەنە دژو فاشیزمو ئاپەکە-مەهەپەی بییەن بە یۆ جە ڕاوەبەرا ئەوەکۆشای یۆگێرتەی.

جە هەرێمەکا پارێزناو مەدیای، جە کەشەکا کوردەسانینە پارێزناو شۆڕشو وەرنیشتی، چنی ئەوەکۆشای ئازادی گەلوو کوردو گەریلای و جەنگاوەرا هەبەدەهەی بیێنی بە کەسانێ خاوەندارێتی کەردەی چی ئەوەکۆشایە.

دەسەڵاتداری ئاکەپە-مەهەپە جە ساڵو ٢٠١٥یۆ جە وەراوەرو گەلوو کوردی، چینو کرێکارو تورکیای، ڕەنجدەرێ، ژەنێ و شوناسو چێردەسا جەنگش ئەرەیاونا.

دەسەڵاتداری فاشیستی بە پەشگیری ناتۆی، حکومەتو ئێراقی و پەدەکەی گرڏ دەرفەتەکێ وێشا بەکارئاردێ و هەوڵش دا تەڤگەرو شۆڕشو یۆگێرتەی دلێنە بەرۆ. جە ٩ ساڵا ویەردەینە و جە ١٠هەمین ساڵەنە دەسەڵاتداری فاشیست چنی ئانەی گرڏو دەرفەتەکا وێس بەکار مارۆنە هەرمانەکێ هەبەدەهەچ جە گرڏ مێڏانەنە بەردەوامێنێ."

جە ئەرەیاوناکەو تەڤگەرو شۆڕشو یۆگێرتەی گەلا قەولو سەرکۆتەو ئەوەکۆشای جە ١٠هەمین ساڵشەنە واوەی کریاوە و وچیا: "چی ئەوەکۆشاینە بە سەدان فەرماندارێ، جەنگاوەرێ، جەنگاوەرا هەبەدەهەی لوێ ڕیزو کارەوانو نەمراوە، بە دەیان کەسێ زینانیێ کریێ.

جە دماینە پێسەو هەبەدەهەی جە وەراوەرو کۆمکووژیی چەتە سەلەفییەکا جە سووریانە وەراوەرو گەلی عەلەوی، بە بەهێزییۆ ئینایمێ چنی گەلو عەلەوی و عەرەبی. ڕژێمو ئەردۆگانو فاشیستی هامکاتەنە ئا کۆمکووژیێ جە وەراوەرو گەلوو عەلەوی عەرەبی.

داوا جە کرێکارا و، ڕەنجدەری و چێردەسا و، گرڏو مەزهەبەکا مکەرمێ جە وەراوەرو کۆمکووژییەکانە هەڵوێس هورگێرانە.

پێسەو هەبەدەهەی ئیرادەو وێما جارێوە تەر نیشانە مڏەیمێ حسابو ئا کۆمکووژییا کە چەتە فاشیستەکێ ئەنجامشادێنێ پەرسمێوە."