ئارۊ دلێنەو ئەرەیاناو چاپەمەنیی هەپەگەی، جە ئەرەیاوناێنە، ئشناسنامەو فەرمانڎێوەش وەڵا كەرڎۊ، كە ڕۊو ٢١ ئایاروو ٢٠٢١ جە قەندیلنە گەشمەرڎە بییەبۍ.

جە ئەرەیاوناکەینە ئامان، هامڕامان "دەنیز پیر" چنڎین ساڵێن دلۍ كۊشیای و ئازاڎیی كورڎستانینە بە بێگەرڎبییەی، وەفاڎاری و پابەنڎبییەی بە بەهایەكاو ئازاڎی و ئا بڕوا و متمانە، بە ڕەفێقەکاو وێش بەخشابێش، فەرمانڎیوە فیدایی ئاپۊیی بۍ،  جە ٢١ ئایاروو ٢٠٢١ جە قەندیلنە، بەداخۊ لە ملەگێوەنە كەوتەرە واری و گەشمەرڎە بی.

جە  بەشۍ تەروو ئەرەیاوناکەینە ئامان، هامڕاما "دەنیز" بە هەڵوێسی قەراردەرانەو وێش بە ڕێبازی گیانبازانە، دلۍ کۊڕوو كۊشیایینە بۍ و نموونە بۍ پەی ڕەفێقەکاش، ئا مڎرامانە كە جە زینڎاننە وەراوەر بە كۊڵۊنیالیستەكا پەیڕەوییش كەرد یاوناش کەشەکا، جە حەر چوار لاو وڵاتەكەیماوە كۊشیا جە حەر وەختۍ كۊشیایینە، وەروو ئانەی قابلوو ڕابەرایەتیما و ڕەفێقە شەهیدەکاش بۊ، بە وەرپەرسیارەتیێوە فرەوە جووڵیێوە.

هەپەگە ئاماژەش پانەیچە کەرڎەن، ئێمە پێسە ڕەفێقەکاو گەشمەرڎەی، فرە سەرەبەرزۍ و بەختەوەرێنمۍ، كە چێروو فەرمانڎێوە جەنگاوەری پێسە بەقیمەتینە چەنی دوژمنی گژیێنمۍ، قەول مڎەیمۍ، كە یاڎوو ئاڎی بە سەروستەی كۊشیای تاجڎار کەرمۍ.

هەپەگە زانیارییش سەروو ئشناسنامەو ئا  فەرمانڎەیە پێسە وەڵا كەرڎەنۊ:

نازنام: دەنیز پیر

نامۍ و دمانامۍ: سەعید ئەرگول

یاگۍ جەئەڎابییەی: ئاگری

نامۍ ئەڎۍ- تاتەی: خەزال – محەممەڎ

كات و شۊنەو گەشمەرڎەبییەی: ٢١ ئایاروو ٢٠٢١/ هەرێمەكاو پارێزناو مەدیای.

ڕ.ڕ