پلاتفۆرمو هۆرام-ی بە بۆنەو شەهیدبیەو "ئارگەش زاگرۆس"ی یۆ جە ئەرەمەرزنەرانو پلاتفۆررمو یارسانی، پەیامێ سەرەوەشی هامخەمیش وەلاوکەردەوە. جە پەیامەکەو هۆرام-یەنە شەهیدبییەکەی بە خەسارێ گەورە نامێ بریان و پەیمان دریان درێژە بە ڕا و ڕێوازەکەیش بدریۆنە.
 
پەیامەکەو پلاتفۆرمو هۆرام-ی:

تا ئاخێزوو ئازادی ماواش درێژ تەر بۆ، ئاسمانو وەڵاتی هەسێرێ زیاتەر گێڕۆ باوەش. هەواڵو شەهیدبیەو هەڤاڵ "پەیمان شمشێری ئەژناسیا بە ئارگەش زاگرۆس"ی یۆ جە ئەرەمەرزنەرانو پلاتفۆرمو یارسانی ئەرک و ئێمە پەی درێژەدای بە ڕاو شەهیداما پەی یاوای بە ئازادی گەل و نیشتمانی قورستەر کەرۆوە. داستانەو شەهیدبیەو هەڤاڵ ئارگەشی ڕاسی خەبات و مدرامان و جوانا زاگرۆسین جە وەرانوەرو مڵهۆڕا و داگیرکەران وەڵاتی. ئارگەش جوانێ بێ کە جە دماو جیا ئاستەی وەڵاتی و رووە کەردەی ئەوروپای، دڵش سۆکناش نەگێرت و زوو جە ژیوای ئازادی یاوانە و پەی درێژەدای و سەروستەو ئاخێزو ئازادی ئەوروپاش جیا ئاست و ڕوەش کەردەوە کەشە سەربەرزەکاو کوردستانی.
ئینە ڕاسی جوانا وەڵاتێوەن کە بیەیشا جە مدرامان و ئاخێزەنە ویناوە. 
هەڤاڵ ئارگەش جە ماوەو ژیوایشەنە دەرسێ گەورەش پەی پەنەیاوناو جوانا وەڵاتی پەنە دامێ. وەشەویسی پەی ئازادی و سەربەرزی گەورەتەرا، جە ئا بەهەشتە خیاڵیەی کە وەڵاتا ئەوروپای پەی جوانا ئێمەشا وێناکەردەن.
بە بۆنەو شەهیدبیەو هەڤاڵ ئارگەش-ی، پێسەو پلاتفۆرمو هۆرام-ی سەرەڕاو نیشاندای سەرەوەشی و هامخەمی پەی خانەوادەو و کەسوکارو شەهیدی، سەرەوەشی وێما ئاراستەو گەلەکەیما جە هەرێمو یارسانی و بە تایبەت پلاتفۆرمو یارسانی کەرمێ. شەهید بیەو هەڤاڵ ئارگەشی نیشانێ ئێستەیۆ ڕاو راسی کۆمەڵگاو یارسانیا پەی یاوای بە ژیوایە ئازادی. شەهید ئارگەش و گردو ئا هەڤاڵا کە چی ڕێنە گیانشا بەختکەردەن، بیێ بە هێمایە بەرز و بایەخدار پەی کۆمەڵگاو یارسانی و جوانا زاگرۆسی بە تایبەت، کە بە هیوایە زیاتەر ڕووە بکەرا دماڕۆ ژیوایشا. ئێمەیچ پێسەو پلاتفۆرمو هۆرام-ی، پەی سەروستەو ئامانجەکاو گەلەکەیما بە تایبەت شەهید ئارگەشی، پەیمان تازە کەرمێوە و بە ڕۆحێ ئاخێزانە درێژە بە خەباتی مدێیمێ.

دەسەو ڕاوەبەریی پلاتفۆرمو هۆرام-ی

یاگێ یادئاوریەن، پەنجشەممەی ویەردە میانگە یاونەری و چاپەمەنی هێزەکانو پارێزناو گەلی (هەپەگە) شەهیدبیەی دوێ گەریلایێ هامڕێشان ئاشکراش کەردەبێ.

هەپەگە دەسنیشانش کەردەبێ: کە جە ٣٠ تەمموزو ٢٠٢١یەنە، بە بۆردومانو باڵەپڕە جەنگیەکانو ڕژێمە ئەرگێرەکەو تورکیای دوێ هامڕێشان بەنامەکێ (ئارگەش و جیگەر)ی شەهیدێ بیێنێ و شناسنامەکێش بە ئی جۆرە ئاشکرێ کەردێ بێنی:

ئەشنایا بە: ئارگەش زاگرۆس

نامێ و پەشت نامێ: پەیمان شەمشیری

یاگۍ جەئەڎابییەی: داڵەهۆ/ کرمانشان
نامێ ئەڎێ و تاتەی: بەتول و فەرهاد
ڕێککەووت و یاگۍ شەهید بییەی: ٣٠ی تەمموزو ٢٠٢١ی / قەندیل

ئەشناسیا بە: جیگەر عەفرین

نامێ و پەشت نامێ: مستەفا بەکری

یاگۍ جەئەڎابیەی: عەفرین

نامێ ئەڎێ و تاتەی: حەلیمە و عەبدۆ
ڕێککەوت و یاگۍ شەهیدبییەی: ٣٠ی تەمموزو ٢٠٢١ی / قەندیل