ئەرەیاونایێوە نویسیانە هەپەگە ئەرەیاوناش هەرێمەکاو مەتیناینە، وەرنیشتوو زاپی و هەفتانینەنە چندین چالاکییێ کریێنێ و سوپاو تورکی ئەرەگیریچ ڤەردەوامەبە جە بوردومانبەکاش و چندین مەیدانانە ئایر کەوتەنۆ.

ئەرەیاونایەکەنە وردەکارییەکاو پێوەس بە چالاکییەکاو گەریلای و هجوومەکاو سوپاو تورکی ئەرەگیری پێسە ئاردێنێ:  

" هەرێموو مەتیناینە؛

٢٤و تەمموزی سەعات ١٤:١٠ و ١٥:١٠ دەیەقێ بە چەکی قورس مەیدانوو مدرامانوو گۆلکاینە گورز وەنەو ئەرەگیرکەرا شنیا و گورز وەروو ٢ مۆڵگاو ئەرەگیرکەرا کەوتەن.  

٢٥و تەمموزی سەعات ١٧:١٠ دەیەقێ هێزەکێما دەسشا وەنەو هەلیکۆپتەرێوە مەیدانوو مدرامانوو سەروو مەتیناینە کەردۆ و هەلیکۆپتەرەکە ناچار  بە جیائاستەی مەیدانەکەی کریا.

لە هەرێمو گەشمەردە دەلیلوو وەرنیشتو زاپی؛

٢٤و تەمموزی سەعات ٠٨:٢٥ دەیەقێ بە چەکی قورس گورز وەنەو ئەرەگیرکەرا شنیا، کە گەرەکشابێ مەیدانوو مدرامانوو کەشو جودیینە کامێرێوی چەمداری بچەسپنا، چاگەیچ ئەرەگیرکەرێ جووڵەشا مردنیا، چالاکییەکە هێزەکاو یەژاستاریما کەرد.

٢٥و تەمموزی سەعات ١٦:٣٠ دەیەقێ مەیدانوو مدرامانوو کەشو ئامێدیینە، بە چەکی قورس گورز وەنەو حەفارێوی دریا و جە هەرمانێ وزیا. چالاکییەکە هێزەکاو یەژاستاریما کەرد.

 هەرێمو هەفتانینی؛

 ٢٤و تەمموزی سەعات ١١:٥٠ دەیەقێ بە چەکی قورس گورز وەنەو بارەگایێوی ئەرەگیرا شنیا هەرێمەکەنە، چالاکییەکە هێزەکاو یەژاستاریما کەرد.

هجوومەکاو سوپای ئەرەگیرکەرەو تورکی؛

٢٣، ٢٤ و ٢٥و تەمموزینە مەیدانەکاو مدرامانوو گەشمەردە شەریف، لۆلان، گۆشین، کەشو گەشمەردە هاواری و کەشو گەشمەردە هێمنی هەرێمو خواکوڕکی ١٠ جارێ، مەیدانەکاو مدرامانوو سپیندار، دێرەشی و مژێیو هەرێمو گارەی ٨ جارێ، هەرێمەکاو مدرامانوو کەشو بەهاری و کەشو جودیی هەرێمو گەشمەردە دەلیلوو وەرنیشتو زاپی ٥ جارێ، مەیدانەکاو مدرامانوو زەرگەلێ و بۆبلیسکانوو هەرێمو قەندیلی ٢ جارێ؛ بە گردیوە ٢٥ جارێ بە فڕۆکەی جەنگی ئا یاگێ بۆردوومانێ کریێ. پی بۆردومانایچە ئایری فرە کەوتۆ و هەڵای بەردەواما.

٢٤و تەمموزینە بە هەلیکۆپتەری جەنگی مەیدانوو مدرامانووی کەشو بەهاری هەرێمو گەشمەردە دەلیلوو وەرنیشتو زاپ بۆردومان کریا."