جە شارچەو باینگان-ی سەر بە شارستانو پاوەی جە هەرێمو هەورامانی دوێ ڕوێن ئەنتەرنێت بڕیان. نەبیەی ئەنتەرنێتەکەی کاریگەری خراپش کەردەن سەرو ژیوای خەڵکی بەگردی و وانکارێ و مسیارێ شارچەکەی بەتایبەتی. چونکە جە ئیسەنە ئازموونێ (تاقیکەردەکێ) وانگایەکان ئینێ ئارانە و ئانەیچە وانکارێ و مسیارەکێش ڕووبەڕووێ زەحمەتی و ئاستەنگی کەردێنێوە.
باینگانیەکێ داوا جە لایەنە پەیوەندیدارەکانو پاوەی مەکەرانێ بەزوویی گرفتەکەی چارەسەر بکەرانێ.
باینگان بەخش (ناحیە)ن و سەر بە شارستان (قەزا)و پاوەیەن، ١٢ هەزار کەسێ ئەرەنیشتێش هەنێ کە جە دوێ شارچێ باینگانی بانەوڕێ و ٧٤ دەگایانە مژیوانێ و زیاتەر بە دیالێکتی جافی (سۆرانی) قسێ مەکەرانێ.