جە هەڵەبجە (کەمال هەورامی) یادش کریاوە و پەردە سەرو پەیکەرەکەیش لادریا

جە هەڵەبجە بە مەڕاسیمێوی شایستە یاد جە نویسەر، ڕۆشنۋیر، هونەرمەند و پێشمەرگە (کەمال هەورامی) کریاوە و پەردە سەرو پەیکەرەکەیش لادریا.

ئاڕۆ یەک شەممە، جە شارو هەڵەبجە-ی جە پەنجەمین ساڵیادو کۆچی دماییشەنە بە مەڕاسیمێوی شایستە یاد جە نویسەر، ڕۆشنۋیر، هونەرمەند و شانۆکار و پێشمەرگە (کەمال هەورامی) کریاوە.
جە یادەکەنە کە ڕاوەبەری ڕۆشنۋیری هەڵەبجەی ساز کەردەبێ، ژمارێوی فرێ کەسایەتیێ هەڵەبجەی و هەورامانی و بنەماڵە و هامڕێ و هاوەڵێ کۆچکەردەی ئامادێ بیێ.
جە یادەکەنە مۆمێ پەی گیانشادی کەمال هەورامی گیسنیێنە و دماتەر سەبارەت بە کەمال هەورامی چەنڎین وتارێ و پارچە شیعرێ پێشکەشێ کریێ کە جەمیانشانە بەهژیاری باس جە کەسایەتی و کۆشای سیاسی و ڕۆشنۋیری و کۆمەڵایەتی و هونەری  کەمال هەورامی کریا.
دماتەر بە مەڕاسیمێوی شکۆدار، پەردە سەرو پەیکەرو کەمال هەورامی لادریا کە هونەرمەندی پەیکەرساز (عمر جەمیل)ی ساز کەردەبێ.