شاندو دەم پارتی دما و گلێرۆبییەکاش ئەڵمانیانە لوا بەریتانیا. شاندەکە بە سەرۆکایەتی باقرخانی ئارۆ بەشداری مێزگردێوە بیێ جە (Chatham House) کە مییانێوە فکری جەهانییا.

چنین کەسایەتی نامڏارێ و سیاسەتمەدارێ بەشداری گلێرۆبییەکەیشا کەرد. باقرخان دەربارەو پرۆسەو ئاشتی و گلێرگە و دیموکراتیکی جە تورکیانە زانیاریش دا، پێشنیار و دیدگاکا چارەسەرو دەم پارتی دەربارەو جەنگو وەرکەوتوو دلێڕاسەی وست ڕووە.

دماتەر باقرخان بەشداریش کەرد جە سیمپۆزیۆمێوەنە کە جە ئەنجوومەنو لەندەنینە لواڕاوە.

سیاسەتمەدارو کوردی ئەرەنیشتەو  تاراوگەی، عوسمان بایدەمیر و سیاسەتمەدارە بەریتانییەکێ بەشدارێ بێنێ. ئەرەیاونا و بەریتانیای بەگەرمی ئامێ دەمو  سیمپۆزیۆمەکەی.

باقرخان زانیاریش دەربارەو پرۆسەکەی وست ڕووە، بانگەوازش کەرد پەی پەشتگیریکەردەی جە پرۆسەو ئاشتی و گلێرگە و دیموکراتیکی.

باقرخان ئەرەیاوناش، ئا ڕەوشەی کە ١٠٠ ساڵێ وەڵێ ئیسەی ئەرەمەزیان، ڕاش پەی پشێویی و جەنگی کەردەنۆ، جەختش کەردۆ کە مشۆم گرڏما بە دیدگا و فەلسەفێوە تازە پەی چارەسەر و کێشەکا نزیکێ بیمێوە.