بە قسې خامنەیی، ئێران بە سەرکۊتەی جە جەنگەکەنە زیانەرە
عەلی خامنەیی، ڕابەرو باڵاو ئاینی ئێرانی بانگەشەو ئانەیش کەرڎ کە ئێران جە دژو ئیسرائیلی سەرکۊتەیش بەدەس ئاورد و ئەرەیاۋناش، ئەمریکا 'گورزێوە قورس'ەش ۋەرکۊتە.
خامنەیی ئارۆ پەنجشەممە جە وتارێوەنە سەرکۊتەی وڵاتەکەیش سەرو ئیسرائیلیرە مبارەک کەرد.
ئینە یووەم قسې خامنەیی بې جە دماو ئەرەیاۋنای ئایېربەسی کە جە ڕۆو یەرەشەممەیۆ دماییش بە جەنگو ١٢ڕوەی ئارڎ.
عەلی خامنەیی بە پاو بەیاننامېوە نویسیای کە جە لایەنو ئاژانسە فەرمییەکا دۊڵەتو ئێرانیوە وەڵاکریانۆ، ئاماژەش بە سەرکۊتەی ئێرانی جە جەنگو ئیسرائیل-ئێرانینە کەردۆ و ماچۆ: "گەرەکما ئی سەرکۊتە گۊرەو ئێرانی جە میللەتی مبارەک بکەرو".
هەرپاسە خامنەیی، ڕابەرو ئاینی ئێرانی، بانگەشەو ئانەیش کەرد کە ئەمریکا جە جەنگی ١٢ڕووەو بەینو ئێرانی و ئیسرائیلینە حیچ چێوێش بە دەس نارد و تەنانەت گورزێوە قورسەیچش ۋەرکۊتە.
