جەنگو ئێران-ئیسرائیلی؛ جە ماوەو ١٢ ڕوانە ٦٢٧ کەسې عەمرەو خوڎایشا کەرڎە
وەزارەتو تەندروسیی ئێرانی ئەرەیاۋناش جە ماوەو ١٢ ڕوا ۋېیەردەینە جە ئاکامو هرووژمەکا ئیسرائیلینە لاوکەمیۆ ٦٢٧ کەسې عەمرەو خوڎایشا کەرڎێنە ، چوار هەزارې و ٨٧٠ کەسێچ زامڎارې بیێنې.
بەپاو ئەرەیاۋناو وەزارەتەکەی فرەو قوربانییەکا جە تارانی پایتەختەنە و شارو کرماشانو ۋەرکۊتوو کوردەسانینە گیانشا جە دەسدان.
حوسەین کەرمانپور، ۋەرپەرسو پەیوەندییە گرڎینیەکا وەزارەتی ئاماژەش پانەیە کەرڎ، لاوکەمیۆ ٦٢٧ کەسې گیانشا جە دەسدان، چوار هەزارې و ٨٧٠ کەسېچ زامڎارې بیېنې.
هەرپاسە ئاماژەیچ پانەی کریان، جە ئاکامو هرووژمەکانە ٣٥ فەرماندې و سەروازې ئێرانی کوشیێنې.
باس چانەیچ کریا، جە ئاکامو هرووژمەکانە ٥٠٠ باڵەخانې ئەرەنیشتەبیەی زەرەری گۊرەشا لا یاوان و ١٢ باڵەخانې بە تەمامی وڕێنې.
