جەمەو ڕۆنامەوانا دیجلە فوڕاتی (دەفەگە) ناڕەزایێوە تنش نیشانەدا ۋەرا ۋەر پا هەڕەشا کە سەرو ڕۆنامەوان زەینەب دورگوتې هەنې. هامکات جەمەو ڕۆنامەوانا ژەنا میزۆپۆتامیای (مەکەگە) ئەرەیاۋناش بە گرڎ جۆرێ ئینایمې چنی هامپیشې و ڕۆنامەوانې زەینەب دورگوتې.
جەمە و ڕۆنامەوانا دیجلە و فوڕاتی(دەفەگە) تایبەت بە پەیام کیانەو ئاژانسو هەواڵو میزۆپۆتامیای، زەینەب دورگوتې کە بەمەڵامەتو هەڕەشێ "چەتەو ماددە هۆشبەرەکا"ـ شەڕناخش جیا ئاستەن، ئەرەیاونێوەش وەڵاکەردۆ
دەفەگە، جە ئەرەیاوناکەینە ئەرەیاوناش: "بەمەڵامەتو وەڵاکەردەیۆ بابەتێوە سەر و "چەتەو ماددەی هۆشبەرەکا" هەڕەشێ جە هامپیشېما زەینەب دورگوتێ کریان."
بە پاو ئەرەیاوناکەی، ئەنداما بنەیانە و تاتار کە جە ڕاپۆرتەکێ زەینەبێنە نامێشا پێسە و 'سەرچەتە' ئامان، هەڕەشێشا جە زەینەب دورگوتێ کەردەن.
دەفەگە ئەرەیاوناش، "ئێمە، ئا هەڕەشێ کە جە هامپیشەکێما کریان قبووڵش مەکەرمێ، ئارە بە هەواڵەکەیش دیاردەو 'بازرگانی ماددەو هۆشبەر'ی جە شەرنەخەنە ئاشکراش کەردەن. ئاماژەش پانەیش کەرد، "جارێوە تەر ئا کەس و عەقڵییەتەی ئاگادار مکەرمێوە کە هەڕەشێش جە هامپیشەکێما کەردەن؛ ئێمە ئینایمێ پاڵ و زەینەبێنە، واز چا کەسا نمارمێ کە هەڕەشێشا کەردێنە."
هەڵوێسو مەکەگەی
هامکاتەنە جەمە و ڕۆنامەوانا ژەنێ میزۆپۆتامیای (مەکەگە)، سەبارەت بە ڕووەداکەی جە هەژمارو تایبەتیی وێش جە دیجیتاڵ میدیاینە ئەرەیاونێوەش وەڵاکەردۆ و ئەرەیاوناش: "پەیام گیانەما زەینەب دورگوتە کە جە شەرناخەنە 'چەتەو ماددەی هۆشبەر'یەکاش وستەن وەر و باسی، جەلایەن و بنەیانە و کەنعان تاتاری هەڕەشێش ونە کریێنە . ئی هەڕەشێ جە دژو ڕۆنامەوانێوە کە بە هەرمانە و پیشەیی وێش هورستێنە، مایێ قبووڵکەردەی نییا. جەدژو ئی عەقڵییەتەی ئینایمێ چنی هاوپیشێ و ڕۆنامەوانە زەینەب دورگوتێ."
