جە جادەو ڕەوانسەر- کرماشانی ٤ سەرنشینێ گیانشان جەدەستدا

جە جادەو ڕەوانسەر- کرماشانیەنە بە ڤییەرو هامۆشیێ ٤ سەرنشینێ وێ ماشینان گیانشان جەدەستدا و ٢ تەرێچ بریندارێ بیێنێ.

ئارۆ یەکشەمە، جە جادەو ڕەوانسەر- کرماشانیەنە ڤییەرێوی هامۆشیێ ڕوەشدان و جە ئاکامشەنە ٤ سەرنشینێ گیانشان جەدەستدا و ٢ ەرنشینێ تەرێ بریندارێ بیێنێ.
پۆلیس ڕاو کرماشانی جە ئا بارەوە ئاشکرا کەردەن، دوێ ماشینێ سواریێ جە جۆرەکێ  پەیکانی و سەمەندی کێشتەنشان هەنتریەرە و دمای پەیجۆری و ونەکۆڵیای بەرکەوتەن خەتابار شۆفێرو پەیکانەکەی بییەن و نائاگا و بەهۆکاری نادیار دەسش ماڕانەوە لاو چەپیەرە و بییەنبە بایسو ڤییەرە هوناویەکەی.
تەرمێ ٤ سەرنشینەکەی پەی تۆکاری پزشکی بریێنێ پزیشک قانونی شارو کرماشانیش و دوە بریندارەکەیچ پەی چارەسەری ڕەوانێ چارەسەرگاکانو هەمان شاری کریێنێ.