سەرسەبای ئارۆ شەممەی، جە شارو عەمان-و پایتەختو شانشینو ئەردەن-ی، کۆنگرەو (کورد و عەرب)ی دەستش بەهەرمانەکاش کەرد.
جە کۆنگرەکەنە کە بە چێرو نامێ ”گفتوگۆ ڕاو دمارۆیەن“ ئەنجام مڎریۆن، ژمارێو سیاسەتمەدارێ و ئەکادیمیێ کوردێ ئەرەنیشتێ کوردستانی و بەرو ووڵاتی و هەرپاسە ژمارێوی فرێ سیاسەتمەدارێ و ئەکادیمیێ عەرەبێ ئەردەن، ئێراق، سوریا، لوبنان و مسری بەشدارێنێ و جە میانشەنە سەبارەت بە ئاژە و ئارۆی بەگردیی جە ناوچەکەنە و بە تایبەتی ئاژە و کێشەکێ کە ڕووبەڕووێ کوردی و عەرەبی مەبانێوە باس و گفتوگۆشان سەر مکریۆنە و ڕاچارەشان پەی دەستنیشان بکریۆنە.

کۆنگرە بە قسێ عەریب ڕەنتاوی، ڕاوبەرو میانگەو قودسی پەی داراساتی سیاسی دەستش پنەکەرد.
شۆنیشەرە رەفیق غەفور، جە لیژنەو (دەسوەڵێوستەی کوردی و عەرەبی) قسیێش کەرد.
بە پاو ڕێکوزەکاش، هەرمانەکێ ئەرەنیشتەی  یوەمو کۆنگرەی بە ئی جۆرەنە:

باسێ جە تاریخ و دێرینەو هامبەشو کوردی و عەرەبی.
کارکەردەی سەرو بنەماو هامبەشەکان.

کڵێشە و ۋێناکێ پەی چارەسەی.

دلێنەبەردەی مەتەرسییە هامبەشەکان.

ڕاوەبەرو ئەرەنیشتەکەی: دکتۆر محەمەد عەلی سوێرکی، پەیچۆریەر جە تاریخو ئەردەنی و کوردی.

قسەکەرێ ئەرەنیشتەکەی: 

دکتۆر جەواد ئەلعنانی، یاگەگیرو وەرینو سەرۆکوزیرانو ئەردەنی پەی کاروباری ئابوری.

دکتۆر باسل حسێن، ڕاوەبەرو دلێنەو کلوذای پەی ئەوەوانای و سەنجنای ڕاو گردیی ئێراقی.

دکتۆر خالد مەمدوح ئەلعزی، نۋیسەری میدیایی.

ئەبرۆ گونای، ئەندام پەرلەمانەو (هەدەپە)ی.

جە ئیسەنە هەرمانێ و چالاکییەکێ کۆنگرەو (کورد و عەرب)ی بە چێر نامێ ”گفتوگۆ ڕاو دمارۆیەن“ بەردەوامێنێ و بڕیارەن ئێشەو یان سەۋای ئەنجامنامەکەش ئاشکرا بکریۆن.