دلینەو یاۋنەرەی و چاپەمەنی هێزەکانو پارێزنای گەلی (هەپەگە- HPG) سەبارەت بە مدرامان دژ بە ئەرەگێرتەیی سوپاو تورکی ئەرەیاۋنایێوش دا و جە میاشەنە ئاشکراش کەردەن: جە ١٧ تا ٢٠و نیسانی، جە هەرێمەکۍ ئاڤاشین-ی و زاپ-ی سەر بە هەرێمەکانو پارێزناو مەدیا، گەریلایەکۍ هەپەگە-ی و ژەنە گەریلایەکۍ یەکینەکۍ ژەنۍ ئازادۍ (یەژاستا- YJA/STAR)، جە بەردەوامی (هەڵمەتەو هەڵۆکانو زاگرۆس)ینە، گورزۍ قورسۍ و شکستپنەدەرێشان جە دوژمنی ئەرەگێری دێنێوە کە ئیسە وردەکاریەکێشان یاۋێنۍ دلینەکەمان پەی ڕاو گردینیی وەڵاوێشان مکەرمێوە.

هەپەگە دەسنیشانش کەردەن: جە (شاخی شه‌هید جوان) سەر بە مێڎانو (به‌رخودانی كاركه‌ر)ی، (جیلۆی بچوك)، دەربەندو (شه‌هید شاهۆ)ی سەر بە مێڎانو (شاخی شه‌هید توفان)، (وه‌رخەلێ)، (شاخی شه‌هید ئاگری) سه‌ر به‌ مێڎانو (به‌رخودانی شه‌هید رۆسته‌م)ی، مێڎانو (به‌رخودانی كونیشكا)ی، مێڎانو (شه‌هید جوان)ی نیک جە مێڎانو (به‌رخودانی كاركه‌ر)ی، (کوڕەژارۆ)، (شاخی شه‌هید شه‌مدین) کە نزێک شێلادزێ-ن، ( شاخی شه‌هید هارون)، (شه‌هید شاهین)، (چه‌مچۆ)، (سیدا)، (رێنجبراغا) و (شکەفتا برینداران)، جەنگ و مدرامانی قارەمانەی سەردمیانە بە تاکتیکی جۆراوجۆری تازەی سەربازی دژ بە هێزەکۍ سوپا ئەرەگێرەکەو تورکی درێژەش هەن و جە سەرجەم ئا یاگانە دوژمن، بە باڵەپڕۍ و چەرخباڵۍ جەنگیێ، درۆنێ، ڕۆکێتۍ، تۆپخانە، هێزی پیادەی فرە و فراوان و بەهامکاری (پەدەکە)ی، جە زەمین و ئاسامانەوە هێرشش ئاوردەن و دەیان جارێ بە قورسی ئا یاگێشە کەردێنۍ ئامانج.
بەڵام سەرەڕاو ئانەیە جەسەرجەم جەنگگەکانە دوژمن شکست دریان و ئانڎە کە زانیان ٤٧ ئەرەگێرۍ سزۍ دریێنۍ کە گەریلایەکێمان لوێنۍ سەرو لاشەو ٨یشان. هاموەخت دوژمن دەیان زامدارێش هەنێ.
بەگردی جە سەرجەم جەنگگەکانە گەریلا سەردەستەن و تا ئی ساتەوەختە دوژمن نەتاوانش بە ئا ئەنجامییە بیاوۆنە کە نەخشەش پەی کێشا بێ و پیلانەش پەی متەبێرە.