جە پاوە و بانەوڕێ هەورە تریشقە زیانش ونەکەوتەوە
جە پاوە و بانەوڕێ سەر بە هەورامانی هەورە تریشقە زیانش جە کارەبای و هاموڵاتیاندا و ٤ مانگاوێش مردارێ کەردێوە.
هەورە تریشقە زیانش جە خەڵکو شارو پاوەی و شارچەو بانەوڕێ سەر بەهەرێمو هەورامانیدا.
جە پاوەشار هۆرە تریشقەکە زیانش بە کارەبا (بەرق)ی یاوانا و کارەبا چەنڎ کوجیێ و گەڕەکان ڕیان و دەرەنجامو ئانەیچەنە زیان بە فرە یاناو هامشارییەکان یاون.
جەلایێ تەرەوە، جە لەوەڕگاو مەیگۆڕێ نزیک جە شارچەو بانەوڕێ سەر بە شارستانو پاوەی، هەورە تریشقەکە زیانش دان جە ئاژەڵدارا و جە ئاکامشەنە ٤ مانگاوێ مردارێ بیێنێوە.
هاموڵاتیێ پاوەی و بانەوڕێ داواشان جە لایەنە پەیوەندیدارەکان کەردەن،تا قەرەبوو زیانەکانشان بکەرانێوە. بەڵام کاربەدەستێ ئێرای جە هەرێمەکەنە ئامادێ نییەنێ قەرەبووشان بکەرانێوە و ئانەیچە ناڕەزایەتی هاموڵاتیاش شۆنیەرە ئاومان.
