نیمەڕۆدماو هیزی یەک شەممەی، جە شارو پاوە-و هەرێمو هەورامانی ”جەمال مورادی“، مامسا، شاعیر و کەسایەتیی فەرهەنگیی و نامیی هەورامانی و کوردستانی کۆچی دماییش کەرد. 
بە ئا جۆرە وەڵاوکریانەوە، هۆکارو کۆچکەردەکەی کتوپڕ مدرای دڵی بییەن و وەڵتەر مامسا مورادی هیچ نەوەشیێش نەبییەن.
مورادی خەڵکو دەگاو کۆمەدرەو سەر بە شارستانو پاوەیەن و زیاتەر جە ٣٥ ساڵێ بێ کە ئەرەنیشتەو پاوە شاری بێ. کۆچکەردە سەرەڕاو مامسایی و فێرکەردەی و بارئاوردەی، سەرقاڵ بێ بە نویستەی، شیعرێ و پێشکەشکاری جە بۆنە جیاجیاکانە و جە ئا  بوارانە خزمەتی فرەش بە زوان و فەرهەنگ و پەروەردە و بارئاوەردەی جە هەورامان و کوردستانەنە کەردەن.
وێرەگاو هیزی، تەرمو مامسا جەمال مورادی بە راوڕەسمێوی شکۆمەند کە هەزاران کەسێ جە خەڵکی و شاعیرا و نویسەراو پاوەی و هەورامانی بەشدارێش بێنێ، جە گۆڕستانو حاجی پاوەی ئەسپەردە کریا.
‍