سەدان ئەرەنیشتێ کانتۆنوو ڕەقەینە بەشدارێ بێنێ بەخاکسپارای جەنازەو ئەنداموو هێزەکاو ئاسایشوو دلێ گەشمەردە ڕائید بەشیر نەزالی، مەزارگەو گەشمەردانە دەگاو حکومیەو سەرنیشتوو شارو ڕەقەینە.

جە ڕاوەبەراو هێزەکاو ئاسایشوو دلێ عەین عیسای محەمەد حەمادە واتش: "چی خاکەنە پەی ئازادی و یۆبییەی چندین گەنجێ گیانشا بەخشا. وەعد مدەیمێ گەشمەردا پەی پارێزنای وەڵاتی بیمێ بە قەڵغانی پۆڵاین".

ئەنداموو مەجلیسوو بنەیانەو گەشمەرداو عەین عیسای ئەمەل ڕەشۆ سەرەوەشییش جە بنەیانەو گەشمەردەی کەرد و وەعدش ئەوەخوای کەردۆ پەی درێژەدای بە ڕاو گەشمەردا.

دمایی شناسنامەو گەشمەردەی ونیاوە و دریا دەسوو بنەیانەکەیشۆ.

جەنازەو گەشمەردەی بە درووشموو "گەشمەردێ نمەمرانیوە" بەخاکی سپارییا.

ئەنداموو هێزەکاو ئاسایشوو دلێ ڕائید بەشیر نەزال ٢٩و ئایارینە سەروو هەرمانەکێشۆ شاروو عەین عیساینە بە نەوەشیی دڵی گەشمەردە بی.