کۆبەرهەمو ڕازۋانو هۆرامی چاپ کریا

کۆبەرهەمو ڕازۋانو هۆرامی جە نۋیستەی جەمال بێدار-ی چاپ کریا.

کۆبەرهەمو ڕازۋانو هۆرامی جە نۋیستەی و ئامادەکەردەی مامسا (جەمال بێدار)ی دماییش ئامان.
بە پاو زانیاری بەدەستۋزیای: کۆبەرهەمو ڕازۋانو هۆرامی ٦ بەرگێن و تەمامو بەشەکاو ڕازوانی هۆرامی(نامێ، یاگەنامێ، یاوەرنامێ، یاوەرکار، چەمە، کار، ئامرازەکێ، نیشانەو ڕەگەزی) جەوێش مگێرۆنە شێوازو نۋیستەی کۆبەرهەمەکەی بەرئاوردکارییەن میانو ڕازوانو هۆرامی و کرمانجی وارینینە.
چاپکەردی کۆبەرهەمو ڕازوانو هۆرامی یۆن جە پڕۆژە بنەڕەتییەکاو ڕێکۋزیاو (ژیوای)ـەن بە پاڵپشتی وەزارەتو ڕۆشنۋیری هەرێمو کوردستانی و ڕاوبەری گردی ڕۆشنویری و هونەری هەڵەبجە-ین.

بڕیارەن بە زوویی هەر ٦ بەرگەکۍٚ کۆبەرهەمو ڕازۋانو هۆرامی ڕەوانەو بازاری بکریۆنە و کتێبخانەکۍٚ هەورامانی و کوردستانیش پنە دەوڵەمەندۍٚ بکریانۍٚ.