سەرچەمەکێ هەۋاڵی جە شارەکڵەو نەوسوڎو هەورامانیەۋە ئاشکراشان کەرد: شەوێ ویەردێ جە بەرزایەکانو نەوسوڎێ و تەۋێڵۍنە، کۆڵبەرێوی سەلاس و باوەجانیی بە نامێ (عەلی دەروێشانفەرد)ی گیانش جەدەستدان. هۆکارو گیان جەدەستدای نامبریای پەی قورسی فرەو کۆڵەکێش و دەرەنجامو ئانەیچەنە مدرای دڵیش بییەن.
(عەلی دەروێشانفەرد)، ساڵانێوەن پەی بەدەستوسەی ژیوای وێش و خانەوادەکەیش بەناچاری کۆڵبەریش کەردەبێ پیشە و سەرەڕاو  تەمەن فرەیی و فرە جارێ ناتەندروستی و نەوەشیش، بەڵام تا ساتەوەختو گیان جەدەستدایش جە ئا هەرمانە سەختێ و پەڕ مەترسیێ جە میانو شارەکانو نەوسوڎۍ و تەوێڵۍ بەردەوام بێنە.
تەرمو نامبریای جە نۆسۋدەوە بریاوە ناوچەو سەلاس و باوەجانی و جە ئاگە ئەسپەردە کریا.