کۊن-مەد جە دژو ئەرەگیری دۆڵەتو تورکی جە پانیشتو کورڎەسانی و هرووژمەکا پەی سەرو مېڎانەکا گەریلای و شەنگالی داواش جە گرڎ لېوەکەرد کە بە زېڵۍ یۊبېیەی نەتەوەییۆ گنانە وېشا و خاکو کورڎەسانی پارێزنا.
کۆنفیدراسیۆنوو کۆمەڵە کورڎەسانیەکا جە ئەڵمانیا (کۆن-مەد) سەبارەت بە هرووژمەکا دەوڵەتو تورکی ئەرەگیری پەی سەرو پانیشتو کورڎەسانی و بەتایبەتی مېڎانەکا گەریلای و شەنگالی ئەرەیاۋنێوەش وەڵاکەردۆ.
جە ئەرەیاۋناکەینە ئامان "مەرامەکە ئەرەگیرکەردەی و دەسسەرەرەگېرتەی سەرانسەرو کورڎەسانیا. حەرچڼە دەوڵەتا هەڕێمی و هێزە مېیاننەتەوەییەکێچ ئاگاڎارۍ ئا قڕکەردەیچە با، پەی مەسڵەحەتوو ۋێشا چەمېشا قوجنا".
جە درێژەو ئەرەیاۋناکەینە ئامان، "دەوڵەتو تورکی جە هەر شۊنێنە کە وەڵتەر ئەرەگیرش کەردەبۆ نەکیشیانۆ، جە عەفرین، گرێ سپی و سەرێکانی تاونایۆ کولتوری و قڕکەردەیش ئەنجامدا. ئانەی عیلاقەش بە کوردا و بەها قەڎیمیەکا گەلاوە هەن دلېشانە مبەرۆ.
مشۊم بە ڕۆشی بوینیۆ کە مەراموو سوپاو تورکی ئەرەگیری فرە جددی و فرە ڕۆشنا کە هەرێمەکەی ئەرەگیر بکەرۆو جوگرافیاو کورڎەسانی جە کورڎی ماڵۊرە. پی جۆرە قڕکەردەی گەلوو کوردی بە ئەنجام بیاونۆ".
کۆن-مەد ئەرەیاۋناش، کە مشۆم مرۆڤایەتی شکۆمەنڎو جیهانی، بەتایبەتی گەلوو کوردی و گرڎوو لایەنگرا ئازاڎیی، جە دژوو قڕکەردەی کوردا کە ۋەرووچەما جیهانیوە مکریۆ، گوڕ بە مڎرامانی بڎا.
جە دمادمایی ئەرەیاۋناکەینە ئامان، "دەوڵەتو تورکی فاشیستی هەوڵ مڎۆ کە کورڎەسانی وێران بکەرۆ، سروشتی تاڵان بکەرۆ و تاوانەی مرۆڤایەتیە بکەرۆ.
ئێمە پېسە کۆن مەدی سەرەتا داوا جە گرڎوو فیدراسیۆنی، ئەنجومەن و پێکئامایەکاما مکەرمۍ کە دژوو ئەرەگیری و قڕکەردەی بە زېڵۍ یۆبیەی نەتەوەییۆ سەفەربەرۍ با، مجیارە مېڎانەکا و خاوەنداری جە شۆڕشوو ۋەرنیشتی بکەرا و خاکو کورڎەسانی پارێزنا".
