مەزڵوم عەبدی فەرماندەو گردی هێزەکا سوریای دیموکراتیک (قەسەدە)ی سەرو پەلیانەو 'ئێکس' یۆ پەیامێوەش وەڵاکەردۆ و ئی زانیارییەشە ئاشکرا کەرد:

"جە کاتێنە جە شارو منبجینە مڏرامانو جەنگاوەراما پەی مڏرناو وەرفراوانکەردەی هرووژمەکا جە وەرنیشتوو فوراتینە بەردەواما، بە میانجی کەردەی ئەمریکای پەی پارێزنای و ئاسایشو مەدەنییەکا ڕێکەوتەیێ ئاېێربەس ئەنجام دریا.

جەنگاوەرا ئەنجومەنو سەروازی منبجی کە جە ٢٧و نۆوەمبەرینە جە دژو هرووژمەکا ئینێ وەرگیری کەردەینە، جە ماوێوە فرە کەمەنە جە هەرێمەکەنە کیشیاوە.

مەراممې ئاېێربەسا جە تامامو سوریاینە ئەنجام بڎەیمێ و پەی ئایندەو وڵاتەکەی پڕمێوە پەی دلێ پرۆسێوە سیاسی."