پارێزنەرو ئەستەنبوڵی ئەرەیاوناش، بەمەڵامەتو بوومەلەرزەکەیۆ ١٥١ کەسێ زامڏارێ بیێنێ
پارێزنەرو ئەستەنبوڵی ئەرەیاوناش؛ جە بوومەلەرزە شۆنەیۆرەکا ئەستەنبوڵینە هیچ کەسێ گیانش جەدەسنەڏان، بەڵام ١٥٢ کەسێ زامڏارێ بیێنێ.
پارێزنەرو ئەستەنبوڵی سەبارەت بە بوومەلەرزەکەو شارو ئەستەنبوڵی بەیاننامێوە تازەش وەڵاکەردۆ و ئەرەیاوناش؛ هەتا ئیسە هیچ کەسێ گیانش جەدەس نەڏان. هەرپاسە جە ڕوانگەو وزەی و چێرخانو، غازو سروشتی، ئاوەو واردەیۆ و چێرخانو ئاوەڕۆی، هیچ دۆخێوە نەرێنی بەدی مەکریۆنە. ئانەیش ئەرەیاونا ١٥١ هاموڵاتیێ بەمەڵامەتو تەرسێوە وێشا یاگێ بەرزۆ فڕەدانەرە وار و زامڏارێ بیێنێ، بارودۆخشا فرە قورس نییا، جە خەسەخانەنە چارەسەرشا پەی کریۆنە. هامکاتەنە پارێزنەر ئاماژەش پانەیش کەرد، هیچ یانە و باڵەخانێوە جە سەرتاسەرو شارەکەینە نەوڕانو و جا بوارەنە درێژە بە هەرمانەکاشا مڏانە.
