ئەنڎامێوە ئەنجوومەنوو پەڕلەمانوو عێراقی واتش؛ حوکمەتەکەو سووڎانی دۊسیەو ھجوومەکاو ترکیەیش وستەن وەڵینەو ھەرمانەکاش، ئێمەیچ دەرفەت بە حوکمەتی مڎەیمۍ، کە ھەرمانە سەروو ئا مژارییە کەرۊنە.
شارەزێوە ئابوورییچ ماچۊ: ئەگەرەکوم عێراق جددی بۊ جە ڕاگێرتەی ھجوومە سەرەمڕەکاو ترکیەی، ئانە وەڵامی ئابووری تەنیا چارەسەرا.
محەمەڎ بەلداوی؛ ئەنڎاموو ئەنجوومەنوو پەرلەمانوو عێراقی، بە "ڕۆژنیوز"یش وات؛ حوکمەتەکەو سووڎانیی دۊسیەو ھجوومەکاو ترکیەیش وستەن وەڵینەو ھەرمانەکاش، ئێمەیچ دەرفەت بە حوکمەتی مڎەیمۍ، کە ھەرمانە سەروو ئا مژارییە کەرۊنە.
پەڕلەمانوو عێراقی بە کۆو دەنگی سەبارەت بە پارێزناو سەروەریی عێراقی و
وەرانوەروو حەر دەسدرێژیۍ مڎرۊوە، کە جە لاو ترکیەېۊ ېان وڵاتێوە تەریۊ کریۊ سەروو خاکەکەیما.
*ئەېاڎ سەماوەېې؛ شارەزاو ئابووریی عێراقی بە ئاژانسوو "ڕۆژنیوز"یش وات؛ ئەگەرەکوم عێراق جددی بۊ جە ڕاگێرتەو ھجوومە سەرەمڕەکاو ترکیەی، ئانە وەڵامی ئابووری تەنیا چارەسەرا. باسش چانەیچە کەرڎ حوکمەتی وەڵین بە سەرۊکاېەتیی "مسەفا کازمی"ی چێروو تەئسیروو ترکیەینە بۍ، چونکوم ئا وڵاتە ھەژموونوو ئابووریی وێش سەروو عێراقیرە سەپنابۍ.
ئەېاڎ سەماوەیی واتش؛ جە ساڵانی ویەرڎەنە، ترکیە دەسش کەرڎ بە وەڵا کەرڎەېۊ ھێزەکاش جە خاکوو عێراقینە، جە ئیسەنە (٤٠) ناوەنڎۍ ئەمنیێ و بنکۍ سەروازیێی ترکیەی جە دلۍ ھەرێموو کورڎسانوو عێراقی-نە ھەنۍ و ھێزەکێشا بە قووڵاېې (٣٠) کیلۊمەترا ئامێنۍ دلۍ خاکوو عێراقی.
ھ.ئ
