ئەردۊغان تەنیا دووۍ ئامانجێش ھەنۍ و ھیچی تەر ېووەم " سەروو کورسیە مەنۊوە ".

دووەم " دژاېەتیی کورڎی کەرۊ "پۍ ئینەیچ پەنا پۍ گرڎ چێوۍ بەرۊ و سەرە پۍ گرڎ کەسێچ نامنۊرە.

چن ساڵۍ چێوەڵتەر جە شاروو ئامەڎی چەمم کۊت بە پەرلەمانتارێوە کوردوو سەر بە ئاکەپەی، کە جە لوجنەو مافوو مرۊڤینە ھەرمانە کەرۍ. پەیش گێڵنانیوە وەختۍ زارۊڵە بییەن، مامۊساکەش تووڕە بییەن وەنەش، سەروو ئاڼەی ئەڎاش نەزانانش بە زۋانی ترکی وەڵاموو مامۊسای بڎۊوە. ئاڎیچ  فرە ئێشش پەنە چەشتەن، ئا پەڕلەمانتارەو فرەو کورڎا تەریچ بە وەرموو ئانەېۊ کۊتۍ داموو ئاکەپەېۊ و دەنگشا دا پەنە و بیۍ بە ئەنڎامش، تا کێشەو کورڎی وەش کەرۊ ئاشتی بێنە دی، وەلێم ئاکەپە و ئەردۊغان بە ھەڵوێسوو ڕەفتارە پەڕ گومان و پەڕتەرسەکاشا دەرحەق بە کوردی، تاریخوو زوڵم و ستەم و گولیی ئەتاتورکیشا واوەی کەرڎۊ و گێرە خراپتەریچ.

ئەردۊغان کە فرەو کەڕەتا مەنەېۊش جە دەسەڵاتەنە پێسەن " وەیوڵێوە" دەسوو

دەوڵەتوو باخچەلیوە ھورش پڕنۊ، جە وەختێنە پارتەکەو ئەردۊغانی (٢٨٨) کورسیۍ پەڕلەمانیش ھەنۍ و مەھەپە تەنیا (٤٧) کورسیۍ پەڕلەمانیش ھەنۍ. ڕەنگە کورسییەکۍ کەموفرە ژمارەشا واڕېابۊ، بە مەڵامەتوو جیابییەېۊو دوورکۊتەېۊ، چێگەنە مەنضوورما ژمارەو کورسی نییا، مەنضوورما ئانەن واچمۍ تەماشە کەرڎۍ، ئەردۊغان جە پاو مەنەېۊ وێشنە چەنی سووکاېەتی بە کەرامەتوو گرڎوو دەنگدەرا ئاکەپەی کەرۊ. ئەردۊغان تەنیا دووۍ ئامانجێش ھەنۍ و ھیچی تەر ېووەم " سەروو کورسیوە مەنۊوە ".

دووەم " دژاېەتیی کورڎی کەرۊ"، پۍ ئینەیچ پەنا پۍ گرڎ چێوۍ بەرۊ و سەرە پۍ

گرڎ کەسێچ منامنۊرە. پێسە ئانەی پۍ ڕووسیای و سوریای و ئەویشای تەریچش کەر.

ئەردۊغان ئانەی گرڎ کەرۊ و ئانەی عەفرین-یچ کەرڎش جە وەرنیشتوو کورڎسانینە، جە ئاکاموو بێدەنگیی ئۊرووپای و ئەمریکاین، بەتایبەت ئەمریکا و فەڕەنسا، جە وەختێنە ئا دووە وڵاتێ حەر ېۊ بە نۊعۍ پەنەوازا کوردوو وەرنیشتوو کورڎسانی پارێزنا، جە پیلانگێڵناې و پاشێلکارېیەکا ئەردۊغانی، بێدەنگیی ئەمریاکای و فەڕەنسای بییەن بە مەڵامەتوو ئاڼەی ئەردۊغان جە ھیچ چێوێوە نەسڵەمۊوە،حەرچی داخێ و نەفرەتێ وێش ھەنێش ملوو کوردیرە مجۊشا، ئینەیچ بە ھامکاریی نەتەوەپەرسەکاو وەرگە بۊری و تۊرانییەکا، ھەر بە ھامکاریی ئاڎیشایچ پاش نیا سەروو گرڎوو دۊسەکاشرە، جە دلۍ ئاکەپەینە ېۊ ېۊ بەرش کەرڎۍ سەرتۊپوو گرڎیچشا پەشتیش جە مامۊساکەیش کەرڎە کە " فەتحوڵڵا گولەن" بۍ .

دماتەرین ڕێککەوتەی ئەردۊغانی چنې سورېای بە سەرپەرەشتیی خودوو ڕووسیای بۍ.

کە جە ڕێککۊتەی ئەمنیۊ واڕیاوە پۍ ڕێککۊتە و وەزیرەکا، ڕەنگە جە عاقیبەتنە سەرتەریچ بلۊ پۍ ئەردۊغانی. گەرەکشا وەڵۍ ھورچنیای مانگەو حوزەیرانوو ئێساڵی بە چن ھەنگامۍ کێرڤوو دەنگەکاش بەرز کەرۊوە و کورسیی سەرۊکاېەتی بەرۊوە، ئی ڕێکكۆتەیە ھەڕەشێوە گۊرێ بۊ پۍ سەروو وێڕاوەبەریی وەرنیشتوو کورڎسانی، ئەگەر فەڕەنسا و ئەمریکا حەر تەماشەکەرۍ با و بە چنڎ واچە و بەیاننامێوە کەرچوکاڵێ سەرزەنشت و ترکیەی کەرا، من مزانوو ترکیە پۍ ئەمریکا و ئۊرووپای گرنگا و ېاگۍ بەرژەوەنڎیشانە، وەلێم ترکیە گرڎوو پەیۋەنڎییەکا مابەینوو وێش و ئەمریکای و ئۊرووپای پۍ بەرژەوەنڎیی وێش و سەڕیایۆ بە تیرۊرئەشناسیاو کوردی بەکار مارۊ، پێچش موھیم نیا چنی سەرسەختتەرین  دوژمنوو ئەمریکای و ئۊرووپای ڕێک گنۊ.

بە پەیلواو من بە پلەی ېوەم ئەمریکاو فەرەنسا ۋەرپرسیاریێۋە ئەخلاقیشا گنۊ سەر

پۍ پارێزناو کوردی جە ھەڕەشەکاو ئەردۊغانیو دۊروبەریش، مەکرېۊ دماو جەنگو

داعشیو ئا گرڎ قوربانی دایە کورڎ بە تەنیا جیامەنۊ . ھەڵبەتە پێوەرە بیەو ېۊگێرتەو

کوردیچ گرنگا، ئەگەر زېا جە سەڎ ساڵا تاوانەو متەو ونەو کوردی گەردەنو ئا ۋڵاتانە بۊ کە خاک و خەڵکو کورڎسانیشا سەرەرە بەش کرېان، بەریتانیاو فەرەنسایچ شەریکە بەشڎارۍ ئا ون متەینۍ. جە سەرەتاو ساڵەو(٢٠٢٣)وە بۍ گێڵایۊ پۍ ۋەڵتەری ھەر قەترۍ ونی جە جەسەو کوردۍ بۍ " بایدن و ماکرۊن" چنەش وەرپرسێنۍ . " بایدن و ماکرۊن" وێشا بە دۊسو کورڎی مشناسا، ئەگەر دۊسایەتی پۍ ئانەی نەبۊ کە ئیتەر ئا نارەحەتیو زوڵمیە سەرو کوردیۊ لابەرانۍ پۍ ھەتا ھەتاېې مەترسی ترکیەی دمایی پنە بارا مەنتیقەکەنە، ئیتەر دۊسایەتیشا فرو فیشاڵو پڕو پاگەنڎەن جە دروۍ گۊرۍ زېاتەر نیا .

مەکریۊ ساڵەو (٢٠٢٣)ێچ پێسە ساڵانی ۋەڵینی ساڵەو سەڕیەیۊ و کوشتوبڕو کورڎا بۊ سەرو دەسو ئانیشارە کە ئاماڎۍ نیەنۍ ھیچ ئاشتیێوە چې نەتەوە ڕەسەنەیە قبووڵکەرانۍ .