شاندو دەم پارتی و دەبەپەی سەردانو ئۆفیسو قامیشلۆ و مەسەدەیشا کەرد
جە بەردەوامی سەردان و گلێرۆبییەکا بە مەبەسو هورسەنگنای 'بانگەوازو ئاشتی و گلێرگە و دیموکراتیکی، شاندو دەم پارتی و دەبەپەی قامیشلۆنە سەردانو ئۆفیسو مەسەدەیشا کەرد.
ماوەو چن ڕوێن شاندێوە سەرنیشتوو کوردەسانی بە نوێنەرایەتی دەم پارتی و دەبەپە پەی بەشداربییەی جە کۆنفرانسو "یەکڕیزی و یەکهەڵوێسی کوردی جە وەرنیشتوو کوردەسان"ی سەردانو هەرێمەکا سەتنیشتوو وەرکەوتوو سووریایشا کەردەن.
شاندەکە پێکئامێ بێنێ جە؛ هامسەرۆکو گرڏی پارتو هەرێمە دیموکراتیکەکا (دەبەپە) کەسیکین بایندەر، ئەندامو کۆمیتەو ڕاوەبەری مییانو پارتو یەکسانی و دیموکراسی گەلا (دەم پارتی) سەرهات ئەرەن، ساڵیحە ئایدەنیز پەڕلەمانتارا دەم پارتی، گوڵجان کاچـماز و موحەمەد کاماچ.
شاندەکە پەی قسەکەردەی سەرو "بانگەوازو ئاشتی و گلێرگەو دیموکراتیک"ی ٢٧و شووباتو ڕابەر ئاپۆی، زنجیرێ گلێرۆبیێ و سەردانشا جە وەرنیشتوو کوردەسانی دەسپنەکەردەن و ئارۆیچ سەردانو ئۆفیسو قامیشلۆو مەسەدەیشا کەرد.
جە گلێرۆبییەکەینە گفتوگۆشا سەرو کۆنفرانسو "یەکڕیزی و یەکهەڵوێسی کوردی جە وەرنیشتوو کوردەتان" ی کەردەن، کە جە ٢٦و نیسانی بە بەشداری نوێنەرو فرەو پارت و ڕێکوزیاکا حەرچوارپارچەو کوردەسانی ئەنجام دریا.
جە درێژەو گلێرۆبییەکەینە شاندەکە سەرجش وست سەرو گرنگی "بانگەوازو ئاشتی و گلێرگەو دیموکراتیک"ی ٢٧و شووباتو ڕابەر ئاپۆی. حەر جە گلێرۆبییەکەینە جەخت سەرو پێکئامایەکا بانگەوازەکەی کریاوە و بە ڕاو ڕزگاری و چارەسەری پەی کێشەکا کوردەسانی و هەرێمەکەی دەسنیشان کریا.
