گرووپێوە جە ژەنا فێمینیستی پەی ئەنجامدای چن سەردایۍ ئامۍ کورڎەسان و بەدەوامېنۍ جە سەردای. ئارۆ سەرشا ۋنەو شارەوانی گەورەشارو وانی دا. هامسەرۆکەو شارەوانی نەزلیهان شەدالە، چالاکا تەڤگەرو ژەنا ئازاڎیی (تەژەئا)، هامسەرۆکا شارەوانی، ژەنا مەنتیقەکەی پێشوازیشا جە شاندەکەی کەرد. ژەنی جە هۆڵوو گلېرۆبیەکەینە کوۍ بیێوە و داواو پەشتیوانی هامبەشیشا کەرد.

بەنامۍ تەژەئایۆ چاگلار دەمیرەلە قسېش کەردۍ و ئەرەیاۋناش دژوو زیهنیەتی سەردەسی ئەرەکۆشا.

فێمینیست ئۆزلەم شەنە ئەرەیاۋناش جە چن شارێوەنە چنی هامسەرۆکاو شارەوانییەکا کوۍ بیێنێوە و زانیاریشا هۊرگێرتەن دەربارەو کار و خەباتیشا.

هامسەرۆکەو شارەوانی وانی نەزلیهان شەدالە ئەرەیاۋناش بە سەردایەکەی دڵوەشێبیێنۍ، تەئکیدش کەردۆ کە ژەنی سەرمەشقایەتی مڎرامانیشا کەردەن و پەی گۆرەکەردەی کۊشیای هەوڵ مڎا.

دماتەر ۋەروودەم و بیناو شارەوانییەکەینە بە درووشمەو "فێمینیستەکۍ ماچا نا پەی دەسسەرەرەگېرتەی"، ئەرەیاۋنای هامبەش ۋنریاوە.

فێمینیست دیدار گولە ئەرەیاۋناکەش ۋەناوە و ئەرەیاۋناش دژوو دەسسەرەرەگېرتەی و سیاسەتوو قەیومی بێدەنگۍ نمەبا. جە دمادمایینە داواش جە گرڎ لېوەکەرد خاوەنداری جە ئیراڎەو ۋێشا بکەرا.

ئەرەیاۋناکەی بە درووشمەو "ژەنی، ژیۋای، ئازاڎیی" دمایش ئاما.