شانڎێۋە پێکئاما جە پەرلەمانتار "بێریڤان ئایماز" و دەزگا نعاونۊعەکا جە وېلاېەتوو " ڕاېن ویسفالیای سەرنیشتی (NRW)"ی جە وڵاتوو ئەڵمانیای، سەرشا جە دلێنەو ڕۊشنویریی کوردې "ئەحمەڎ کاېا"ېشا دا و سەروەشییشا جە یانەوەی گەشمەرڎەکا کەرڎ.
چالاکیی ئێشکگێرې داڎپەروەری جە دلێنەو ڕۊشنوېری ئەحمەڎ کاېاې پۍ " ئەڤین گۊیی و میر پەروەر و عەبدولڕەحمان کزل " کە جە کۊکوشییەکەو پاریسیینە گەشمەرڎۍ بیۍ وەرڎەواما. سەرڎای گەلی و ڕێکوزېا و ئەرەمەرزېایەکا پۍ پەرسەو ماتەمگێڵنای ۋەرڎەوامییش ھەن.
شانڎێوە جە وېلاېەتوو "ڕاېن ویسفالیای سەرنیشتی (NRW) "ی جە وڵاتوو ئەڵمانیای پێک ئاما جە پەرلەمانتارا " بێریڤان ئایماز، مارک بێرتھۆڵد، ڕاوەبەروو ئەرەمەرزېاو ھاینریش بۊڵوو فەڕەنسای، محەمەڎ تانریڤەردی سەرۊکوو گلێرگەو کوردی جە ئەڵمانیانە، جاھید بەشیر سکرتێروو گلێرگەو کوردی جە ئەڵمانیانە " لووۍ پۍ دلێنەو ڕۊشنۋیریې ئەحمەڎ کاېاې و سەروەشییشا جە یانەو گەشمەرڎەکاا کەرڎ.
بێریڤان ئایمازە سەروەشییش جە یانەو گەشمەرڎەکا کەرڎە و واتش؛ کورد کرېان بە ئامانجوو ھجوومەکا، بیانیۍ فرۍ ھەنۍ فەڕەنسانە، وەلێم ئینە ڕاسین و ېاگۍ مشتومڕی نیارۍ ئا کەسەی ھجوومەکەش کەرڎەن مەبەسش کورڎی بیەن و کورڎش کەرڎەن ئامانج. پەنەوازەن داڎگاو فەڕەنسای ئا قۆرتا بەقووڵی گێرۊنە دەس. پەرڎەپۊشکەرڎەی دۊسیەو گلێرکوشییەکەو (١٠) ساڵا چێوەڵتەری ھەلەش پۍ ئی ھجوومەېە ڕەخسنا.
ھ.ئ
