شەهیدبییەی فەرماندۍ (یەپەژە)ی (بوشرا تۆفیق، ئەشناسیێ بە کانی هەورامی)ۍ، ٤ ساڵێش پەڕکەردەوە کە جە دەگاو بورج حەیدەر-ی سەر بە هەرێمو عەفرین-ی بەشدارەو مدرامان و ڕووبەڕووبەییەی چەنی سوپا ئەرەگێرەکەو ڕژێمو تورکی و تاقمە چەتەکانش بییەوە.
 فەرماندۍ (یەپەژە)ی (کانی دەنیز یان کانی هەورامی)ە کە خەڵکو دەگاو ئێڵانپێ هەرێمو هەورامانو جە دیمو پانیشتو کوردستان-یەنە، جە دمای مدرامانی و جەنگی قارەمانانەی جە ساڵەو ٢٠١٨یەنە جە ڕوێ چوون ئارۆنە گیاش بەختکەرد و بەشدارەو کارەوانو نەمرانو کوردستانی و مرۆڤایەتیی بییە.

یاگۍ باسیەنە، کانی هەورامییە وەڵۍ شەهیدبییەش، یەک جار جە شارو حەلەب-ی و دوێ جارێ جە عەفرین بریندارە بیۍ بۍ. دمایین جار جە ڕۆدیارو ١٨-٣-٢٠١٨ چەنی ٣ هاۋەڵێ تەرێش جە عەفرین پەیوەستێ ژیوای جاویدانی بیۍ و نامێش پەی هەمیشە دلۍ لاپەلەکانو مێژوویەنە تۆمارە کریا.

شناسنامە و کات و سات و یەگۍ شەهیدبییەی فەرماندە کانی دەنیزۍ:

نامێ و پاش نامێ تاتەی و بابایش: بوشرا تۆفیق کاکە مەحمود. 
نامێ ئەڎێش: فەهیمە
نامێ شۆڕشگێڵیېش: کانی دەنیز یان کانی هەورامی

ڕۆدیارو جەئەڎابییەیش: ١٩٩٧
یاگۍ جەئەڎابییەیش: دەگاو ئێلانپێ/خورماڵ/ هۆرامان
ڕۆدیارو پەیوەندیکەردەی بە جمیەرو ئازادی: ٢٠١٤
ڕۆدیارو پەیوەدیکەردەی بە شۆڕشی ڕۆژاڤای: ٦-٢٠١٥
ڕۆدیارو شەهیدبییەی: ١٨-٣-٢٠١٨
یاگۍ شەهیدبییەی: دەگا برج حەیدەر/ شێراوە/ عەفرین