ڕەشکە نۊعێوە  ڕووەکین، دنڎێوە سیاوەی بۊوەشە و تیژەش ھەنە، بەرزیی ئې ڕووەکییە میاوۊ ٣٠ سانتیمەترۍ و گوڵەکەش ڕەنگەش " کەوێوە بووڵییەنە " سەرچەمەو بەرھەمئاردەیش، ھەر ېۊ جە وڵاتاو ( ئێران، ھیندستان، پاکستان)ینێ .

ڕەشکە بە چنڎ شێوێوە ورېۊ، سەعبان چەمچە چایۍ ېان بە ڕێژێوە کەم بە گەڎۍ ھاڵییە ورېۊ، چنی شۊتی و ھەنگوېنی تێکەڵ کرېۊ، جە دروسکەرڎەی شیرینینە پۍ تامی و ڕازناېۊ بەکار مۍ.

حەر پاسە جە وەشکەرڎەی دەرمانینە بەکار مۍ، زەېتوو ڕەشکەی پۍ پۊسی و جوانکاری بەکار مۍ.

*ڕەشکە کۊئەنڎاموو وەرگێری لاشەی بەقووەت کەرۊ.

ڕەشکە ماڎۍ وارڎەی فرە گرنگێش ئینۍ چنە پێسە "چەربی، کالسیۊم، کاربۊھیدرات، ڕیشاڵێ، مەگنسیۊم، سۊدېۊم" گرنگتەرېن ماڎۍ دلۍ ڕەشکەی "ساېمۊکوێنۊنە" کە ماڎێوە فرە گرنگا دژوو نەوەشییەکاو "شێرپەنجە"ېن و دژە ئۊکسانێوە فرە عالا.

وارڎەی ڕەشکەی بە شێوێوە سنووردار چنڎین ئیسفاڎێ گرنگێش ھەنۍ پێسە " کۊئەنڎاموو وەرگێریی لاشەی بەقووەت کەرۊ، یاردەی چالاککەرڎەی خانەکاو لەشی مڎۊ بە مەڵامەتوو بیەی ڤیتامین(E) دلێشنە، ېارڎەی کۊنتڕۊڵکەرڎەی پەسانوو ونێ و ڕێکوستەی چەربی و کۊڵستڕۊڵی مڎۊ. ڕێژەو ھەناسەدای خاستەر کەرۊ و ېارڎەی نەوەشاو ڕەبۊی مڎۊ.

ئیسفاڎێوە عالش ھەن پۍ ئا کەسا کە نەوەشیی گەشکەیشا ھەن.

*زەرەر و زېانەکۍ ڕەشکەی.

ڕەشکە ھەرچنڎە خاسیەتەکێش فرێنۍ، وەلۍ زېاڎبەکارئارڎەیش زەرەر ئۊو جەسەی مڎۊنە پێسە "کێشە پۍ کۊئەنڎاموو ھەرسی وەشکەرۊ و بۊ بە مەڵامەتوو ڕشیاېۊ و قەبزی. ئا کەسۍ کە نەوەشیی ھەستیارییشا ھەن مەبۊ زەیتوو ڕەشکەی بەکار بارا، چونکی بۊ بە مەڵامەتوو ورېاې و بەرکەرڎەی لیرا و پەڵەی.

ئا کەسۍ کە نەوەشیی درێژمەوڎاشا ھەن، مشیۊ وەڵۍ بەکارئارڎەی دەرمانەکانە ئاگاڎارۍ بەکارئارڎەی ڕەشکەی با. ئا کەسۍ کە زەختشا نزما مەبۊ ڕەشکە بەکار بارا، چونکی بۊ بە مەڵامەتوو گرژبیەی زارۊڵانەو ژەنا.

ھ.ئ