دماو ئانەی ڕۆو ١٤و نیسانی ئەنجوومەنو نوێنەرا عێراقی دەنگش سەرو پرۆژەیاساو بە پارێزگابییەی شارو هەڵبجەی شەهیدی پێسەو ١٩ـەمین پارێزگاو عێراق دا و پەسەنش کەرد و دماتەر پرۆژە یاساکە ڕەوانەو سەرۆکایەتی کۆمار کریا ئارۆ سەرۆککۆمارو عێراقی لەتیف ڕەشید یاساو بە پارێزگابییەو هەڵەبجەیش پەسەن کەرد.

دماو پەسەندکەردەو یاساکێ جەلایەنو سەرۆککۆمارو عێراقیۆ، قەرارا ڕەوانەو وەزارەتو دادی کریۆنە پەی پەسەندکەردەی و جە ڕۆنامەو وەقائیعی عێراقینە وەڵاکریۆوە.

ئۆفیسو سەرۆکایەتی کۆمارو عێراقی ئەرەیاوناش، ئارۆ سەرۆککۆمارو کوردی عێراق لەتیف ڕەشید یاساو بە پارێزگابییەو هەڵەبجەیش پێسەو ١٩ـەمین پارێزگاو عێراقی ئینزا کەردەن. ئاماژەش پانەیش کەردەن دماو پەسەندکەردەیش جەلایەنو وەزارەتو دادیۆ جە ڕۆنامەو وەقائیعیە عێراقینە، هەڵەبجە پێسەو ١٩ـەمین پارێزگاو عێراقی ئەرەیاونۆنە.