"ئانی ھیدالگۊ " سەرۊکەو شارەوانی پاریسی سەرداو دلێنەو ڕۊشنۋیری ئەحمەڎ کاېاېش کەرڎو واتش: گەرەکمانە ھەرمانۍ پۍ ئا ھەڤاڵاما کەرمۍ کە گیانشا بەخشان تاکو پۍ ھەمیشەې ېاڎو ویرەوەریمانە مەناوە .
"ئانی ھیدالگۊ " سەرۊکەو شارەوانی پاریسی سەرداو دلێنەو ڕۊشنۋیری ئەحمەڎ کاېاېش کەرڎو واتش: گەرەکمانە ھەرمانۍ پۍ ئا ھەڤاڵاما کەرمۍ کە گیانشا بەخشان تاکو پۍ ھەمیشەې ېاڎو ویرەوەریمانە مەناوە . گەرەکمانە دڎان بە ڕەنج و ئەرەکۊشای ئا کوردارە بنرېۊ کە جەنگشا پۍ کەرڎێنمۍ .
"ئانی ھیدالگۊ " سەرۊکەو شارەوانی پاریسی و ئەلێکساندار کۊردیبارد سەرۊک شارەوانی مەنتیقەو (١٠) و شارو پاریسی و شاندێوە پێک ئاما جە ئەنڎاماو ئەنجومەن و ئا شارەوانیە سەرداو دلێنەو ڕۊشنۋیری ئەحمەڎ کاېاېشا کەرڎ. کە کۊکوژی دووەم و پاریسی چنەش ڕوەش دا .
"ئانی ھیدالگۊ " سەرۊکەو شارەوانی پاریسی جە دلێنەکەنە بێجگە جە سەروەشی کەرڎەی جە واچێوەنە واتش " ئێش و شمە ئێش و ئێمەن، ئێمە ئینایمۍ چنیتا شمەما وەشۍ مسیەیدۍ " پەشتیوانیتا چنە مکەرمۍ . من پێسە سەرۊکەو شارەوانی پاریسې مزانو کە ئازاېەتی کوردی و مڎرامایشا پۍ ئێمە فرە گرنگا، گەل و کوردی بە ژەن و پیاشاوە دژو داعشی جەنگشا کەرڎ. ئێمە مزانمۍ کە
داعش جە پارېسەنە ھەڕەشێش ۋنە کەرڎیمۍ . کورد وەرگێری جە ئاشتی و ېۊگێریو ئازاڎی مکەرۊو ئا بەھۍ کە ئاڎۍ پارێزنایش
چنە مکەرا ئا بەھێنۍ کە ئێمەیچ وەرگێریشا چنە کەرمۍ . پی مەعنۍ ئا کۊکوشیەی کەڕووەش دا قەبوڵ مەکرېۊنە ، پێسە شانڎو پاریسی پۍ بەدیئارڎەو داڎپەروەری ئانەی دەسمانە بۍ کەرمێشو درێخی مەکەرمۍ . ئێمە گەرەکمانە ھەرمانۍ پۍ ئا ھەڤاڵاما کەرمۍ کە گیانشا بەخشان تاکو پۍ ھەمیشەې ېاڎو ویرەوەریمانە بژېوا . گەرەکمانە دڎان بە ڕەنج و ئەرەکۊشای ئا کوردارە بنرېۊ کە پۍ ئێمە جەنگشا کەرڎ پێسە ئێمە وېر کەراوە . نەک تەنیا پێسە سەرۊکەو شارەوانی پاریسی ، بەڵکم پێسە دۊس و شمەیچ ئانەی ماچو چونکیم فرەو چێوا ھەن کە من چنې شمە ھەمان ڕاو وېری ھامبەشما سەرش ھەن .
ھ.ئ
