هەشت کەسێ سەرو ڕاو وانی و جولەمێرگی ڕۆو شەممەی جە ئەنجامو ڕووەدایێ هاتوچۆینە گیانشا جە دەسدا، جە جولەمێرگەنە ئەسپەردەو خاکی کریێ. ڕووداکەی نزیکو تونێلو گۆزەلدەری جە ناوچەو پاییزاڤانینە ڕووەشدا و دلێشنە هەشت کەسێ گیانشا جەدەسدا و ژمارێوە تەریچ زامڏاری بیێ.
جە ئەنجامو ڕووەداکەینە سەلیم کایا، گوڵجان کایا، یەڵدز ئەریک، فازڵ کۆرکماز، مەحەمەد یاجان، دیندار ئەنگین، ئەرکان کۆچ، مەتین کاندەمیر گیانشا جە دەسدا و تەرمەکێشا جە خەسەخانەو وانینە بەرەو جولەمێرگ ڕەوانە کریێ.
جە وان و جولەمێرگەنە نوێنەرێ چنین ڕێکوزیێ مەدەنیێ و پارتێ سیاسییێ، هەرپاسە کەسوکارو قوربانیا بەشداری مەراسیمەکەی بیێ.
ئا کەسێ گیانشا جە دەسدا  جە قەبرسان و کۆڵانەکا گوپسی و کرانی ئەسپەردەو خاکی کریێ.