جە مانگێ ۋیەردێوە تا بە ئارۆ ڤەرڤە و ڤاران و تەڤرگەی فرێ، ناوچەکێ هەرێمو هەورامانیش گێرتێنەوە و تا ڕادێوی فرە مەترسیەکێ وشکەساڵیش کەمێ کەردێنێوە.
جە بەرزاییەکانە ڤەرڤە خەڵکیش تووش گرفتی کەردەن بە تایبەتی پەی ئامای و لوای و هامۆشیێ.

جەی ئی بارەوە هەرمانگەو هامۆشیێ و ڕاداری شارستانو پاوەی ئاشکراش کەرد: تیمەکێ هەرمانگەکەیشان شەوانەڕۆ سەرقاڵێ پاککەردەیۆ و ئەوەکەردەیۆ ڕاکانێ، بەڵام وارای ڤەرڤێ و دروستبییەی تەمێ، هامۆشییەش جە ڕاکێ نودشە بە هانەگەرمەڵەی و ملندو بە نۆسوڎ-ێ سەخت کەردەن و گرفتش پەی شۆفێرا و هاموڵاتیا دروست کەردەن.
هەرمانگە وریاییش بەشۆفێرادان، تا سەرووێ و بە هایداری خۆڕاونە و ڕانمونەکێ هامۆشیێ وەروچەما بگێرانێ و زنجیر پەی تایێ ماشینەکانشا بەسانێ.