وارڎەیۊ گازییەکێ، ئا واردەیۊێنێ کە بە بڕێوە فرە کافاینشا چەنەن و سەرەڕاو ئانەی حیچ ئیسفاڎێوەشا نییا، زەرەرێوە فرە بە جەسەی میاونا، وەروو فرەیی قەنڎی دلێشانە.

 کە چنڎ نۊعێچشا هەنێ پێسە، ئاسایی "سۊدە"ی، ڕێژی کە ئینەشا قەنڎی فرەی سروشتیش چەنە بەکار نمێ، تەنیا ماددێوە شیرینکەرش چەنەن، وارڎەیۆیێ کەمکالۆرین، کە حیچ کالۊرییش چەنە بەکار نمێ، "کالپری دلێڕاسین" کە بڕێوە کەم کالۆرییش چەنەن، واردەیۊی تامڎار، کافاین.

 زەرەروو وارڎەیو گازییەکا

وارڎەیۊ گازییەکێ چنڎین زەرەرێشا پەی جەسەی هەنێ پێسە، کەمکرڎەیۊ چڕیی پێشەی و پووکیایۊش، چون بڕێوە فرە تشوو فسفۆڕیشا چەنەن، پێنەیچ ڕا  گێرۊ جە ورلووشتەی کالسیۊمی، حەر پاسە کێشوو لەشی زیاڎ کەرۊ، بە نۊعێ ئەگەر ڕووێ قتووێ وارڎەیۊ گازیی وریۆوە پەی ماوەو ساڵێ نزیکەو ٦.٨ کیلووی لەشی زیاڎ کەرۊ، ئاستوو ژووژیی وڵکا کەم کەرۊوە.

 بۆ بە سەبەبوو دروسبییەی چەربیی دلێ جەسەی و دەوروو ئەنڎامەکاو جەسەی و پینەیچ ئەگەروو تووشبییەی بە نەوەشییەکا دڵی زیاڎ کەرۊ، وەروو ئانەی بڕێوە فرە جە قەنڎوو فرەکتۊزیشا چەنەن، ئی قەنڎە زەرەرێ فرەش هەن پەی سەروو جگەری و بۊ بایسوو دروسبییەی چەربیی سەروو جگەری، بۆ بایسوو شیبییەیۊ دڎانا و زەرەریاونای بە میناو ددانی و دروسبییەی کلۊریی، ئەگەروو توشبییەی بە نەوەشیی "قەندی"یچ زیادتەر کەرۊ.

 زەرەروو وارڎەیۊ گازییەکا پەی ژەنی دووەگیانی

 وارڎەیۊ گازییەکا بە گرڎ نۊعێ زەرەرشا هەن پەی گرڎ کەسێوە، بەڵام پەی ژەنی دووگیانێ زیاتەر تەرسیشا هەنە، چوون با بایسوو سەرێشەی و خەمۆکیی فرە کەرا، وەروو ئانەیە بڕێوە فرە کافاینشا چەنەن نمازۊ کۆرپە بە پاو پێویسی ونییش یاوۊ لا، دایوەنەو دڵی سەرێع کەرۊوە، کە فرەو جارا بۊ سەبەبوو بارشییەی کۆرپەی،  کە کاریگەری کەرۊ سەروو گەشەو کۆرپەی.

قازانجوو وازئارڎەی جە واردیۊ گازییەکا

وازئارڎەی جە وارڎەیۊ گازییەکا چنڎین قازانجێش هەنێ پێسە، هەستوو تامکەرڎەی زیاڎتەر کەرۊ، پاسە کەرۊ کێشوو لەشی هامسەنگ بۊوە، پێشێ بەقووەت کەرۊوە، عارەزوو وارڎەی گێڵنۆوە پەی سروشتوو وێش.