جە وەرکەوتو کوردستانی وێکوشتەی کۆتایی ئاوردەی بە ژیوای بەهۆکارۍٚ جیاوازۍٚ پەرەش ئەسانان و بییەن مایەو نیگەرانی. بە جۆرێ کە چنڎ شەوانە ڕوێ ویەردێنە ۵ جەوانۍٚ ئا بەشە جە وڵاتی بیێنۍٚ قوربانیۍٚ.
 
جە دیواندەرە سەر بە سنە-ی  کناچە و کوڕێو دماو ئانەی بنەماڵەکێشان ڕازیێ نمەبانێ ژیوای هامبەش پێکباوەرانۍٚ، پەنا پەی وێکوشتەی مبەرانۍٚ.
کوڕ و کناچەکۍٚ، خەڵکو دەگاو شەقەڵاـیەنێ بەنامەکۍ میترا گۆران تەمەن ١٨ ساڵانە و فەرهاد سادقی تەمەن ٢٦ ساڵان، جە  ١٥ و ١٦و گەلاۋێژی بە وێکوشتەی دمایشان بە ژیوایشان ئاوردەن.

جە لایێ تەرەوە جە ڕۆدیارو ١٦ و  ١٧و گەلاۋێژی، جە شارچەو چوار-ی سەر بە ئیلام-ی، “عەلی محەمەد کەریمی”، خوتانخێزان و تاتەو ٢ زارۆڵان کردووە و باوکی دوو منداڵە،  “محەمەد مەنسووری”، تەمەن ٣٢ ساڵان، خوتان خێزان و تاتەو  زاروڵان، بەهۆکارو ئانەی کارەکێشان جە کارگاو پیشه‌سازی پترۆشیمی شارو چوار-ی جەدەستدێنۍٚ و بێکارێ بیێنۍٚ دماییشان بە ژیایشان ئاوردەن.

هەرپاسەر جە ١٦و گەلاۋێژی،“فازڵ حەسەنی” کوڕو محەممەد سەلیم-ی خەڵکی شاری پاوە-ی و ئەرنیشتەو شارو کرماشان-ی، کە پیشەش کۆڵبەری بییەن، بە هۆکارو بێکاری و هەژاری بە وێکوشتەی ژیوایش ئاوردەن.

بە ئی جۆرە جە ١٥ تا ١٧و گەلاۋێژی، سەرجەم ۵ جەوانۍٚ وەرکەوتو کوردستانی بە وێکوشتەی دماییشان بە ژیایشان ئاورد و ئانەیچ نیشانەش مڎۆنە بارودۆخ جە ئا بەشەو وڵاتی چنڎە سەختەن و هاوڵاتیۍٚ ئیێ چێرو چ فشارێوی قورسو ژیوایەنە. 

هەرێمه کوردنشینەکۍٚ، بە هۆکارو ئانەی جەلاو دەوڵەتو ئێرانیەوە پەراوێزۍٚ ۋزینۍٚ و جە ئاوەڎانی و پڕۆژۍ و ساخت و سازی پیشەساری و چێرخانی ئابوری بێبەشۍٚ کریێنۍٚ، هەژارتەرین هەرێمۍٚ ئا وڵاتەیەنۍٚ و خوتان بەرزتەرین ڕێژەو هەژاری و بیکارییەنۍٚ.