وەزیرو چبەرو فەرەنسای ژان نوێل بارۆ بەتایبەت پەی دەسپنەکەردەیۆ پرۆسەو چارەسەری دووە فۆڵەتی پەی جەنگو ئیسرائیلی و فەڵەستینی، سەردایش پەی هەرێمەکەی دەس پنەکەرد، یوەمجار سەردانو عێراقیش کەرد، دماتەریچ ڕووەمکەرۆ هەولێر.
بارۆ پەی دەس پنەکەردەی پرۆسەو چارەسەری دووێ دۆڵەتا پەی جەنگو ئیسرائیلی و فەڵەستینی، ڕۆو چوارشەممەی یاوا هەرێم و سەردانو سعودیە و کوەیتیچ مکەرۆ.
ئی زنجیرە سەردانێ کاتێنە کە فەرەنسا و سعودیە جە مانگەو حوزەیرانینە مێمانداری کۆنفرانسێوە مییاننەتەوەیی مکەرا پەی چارەسەرو دووە دۆڵەتی.
وەزیرە فەرەنسییەکە دماو ئامەی بەغانە چنی هامتاکەو فوئاد حوسێنی گلێربییۆ، قەرارا چنی سەرۆک وەزیرانی محەمەد شیاع سودانیچ گلێربۆوە.
دماتەر سەردانو هەرێمو کوردەسانیچ مکەرۆ و جەلایەنو سەرکردەکا هەرێمیۆ پێشوازیش ونە مکریۆنە.
بەپاو ئەرەیاوناو وەزارەتەکەی، ئی سەردانە دڵسۆزیەو فەرەنسای پەی ئارامی عێراقی پەشڕاسش مکەرۆوە.
جە ئەرەیاوناکەینە ئامان: " جە کاتێنە کە قۆناغو ڕاگوزەری جە وڵاتو سوریای هامسای ملۆڕاوە و هێزەکا ئەمریکای واوەی وەڵاش مکەرۆوە، فەرەنسا پابەندبییەو وێش پەی وەرەنگاربییەیۆ داعشی واوەی مکەرۆوە".
هەرپاسە ئەرەیاوناش: "ئی سەردانە دەرفەتێوە خاسا پەیوەس بە جەنگو ئیسرائیلی و فەڵەستینی، تاوەکو یەرەم کۆنفرانسو بەغای بێ ئامادەکاری پەی ئارامی هەرێمەکەی و ئامادەکاریێ پەی کۆنفرانسو مییاننەتەوەیی پەی چارەسەرو دووە دۆڵەتی کە فەرەنسا و سعودیە جە مانگەو حوزەیرانینە مێمانداریش مکەرا".
