پەتاو یاو ون وەربییەی (کۆنگۆ) کە نەوەشیێ ڤایرۆسییا، جە حەیوانیۆ فاڕیۆوە پەی ئینسانی و جۆرێوە کوشندەو نەوەشی ڤایرۆسییا. بە تایبەت چا یاگانە کە حەیوانش ئینا چنە وەڵابۆوە، ئی پەتێ ئێساڵ عێراقەنە و بەتایبەت جە پارێزگاکا واری تەرسەو زیاتەت وەڵابییەیۆش هەنە.

بە پاو وەزارەتو تەندرووسی حکومەتو هەرێمو کوردەسانی ئێساڵ تاوەکوو ئیسە هیچ حاڵەتێوە یاو ون بییەی جە پانیشتوو کوردەسانینە جگە جە دووێ حاڵەتا جە شارو کەرکووکینە، هیچ حاڵەتێوە تەر تۆمارنەکریان. بەڵام ساڵانی ویەردە چن حاڵەتێوە بێنێ و چارەسەرکریێ.

وەزارەتو تدرووسی ئاماژەش پانەیشدا گرڏو ئامادەکارییە تەندرووستییەکێ جە دژو نەوەشییەکەی گیریێنێرەوەر.

بەپاو ئامارە تەندرووسییەکا عێراقی تاوەکو ئیسە ٢٢ کەسێ بەمەڵامەتو ئی نەخۆشییەوەنەوەشییەیە گیانشا جەدەسدان، کە دماین گیان جەدەسدای جە پارێزگاو موسانای تۆمارکریا.

جا بارۆ سەیف بەدر واتەواچوو وەزارەتس تەندرووسی عێراقی سەبارەت بە گیان جەدەسداو كەسێوە تەری بە یاو ون وەربییەی پەی میدیا عێراقییەكا قسێش کەردێ.

سەیف بەدر ئەرەیاوناش، جە پارێزگاو موسەنای كەسێوە تەر بەمەڵامەتو یاو ون وەربییەی گیانش جەدەسدان، پینەیچ كۆو گرڏی گیان جەدەسدای یاوا یەرێ كەسێ، كە دووێ كەسێشا ئینێ پارێزگاو كەركووكینە.

ئاماژەش پانەیشدا، كۆو ژمارەو تووشبییەکا بە یاو ون وەربییەی جە عێراقەنە یاوا ٢٢ كەسێ.