"ئاراتز ئیستۊندا " ئەنڎام و ڕێکوزېاو ئەسکاپێنای جە ھەرێمو باسک-ی واتش' ھەرێمو باسک-ی ئینا چنی گەلو کوردی و بە ئازاڎکەرڎەو ڕابەر "ئاپۊ"ی ڕابەرو گەلو کوردی ھەنگامێوی گۊرۍ بۊ پۍ بە دیموکراتیزەکەرڎەو ترکیەی .
"ئاراتز ئیستۆندا " ئەنڎام و ڕێکوزېاو ئەسکاپێنا جە ھەرێمو باسک-ی، سەبارەڎ بە گۆشەگیری سەرو ڕابەر "ئاپۊی ڕابەرو گەلو کوردی " قسێش پۍ ئاژانسەو ھەواڵی فورات(ANF)ی کەرڎ .
ئیستۆندا واتش ' ئاژەو ڕابەرو گەلو کوردی " عەبدوڵا ئۊجالان " بە پاو پەېماننامە میان نەتەوەېیەکا نیاو ماچۊ' ۋەختۍ بابەتەکە مێنە سەرو زینڎانیا سیاسی حکومەت پەېماننامە میان نەتەوەېیەکا پێشێلۍ کەرۊو بە ېاگێشا مەېاونۊ .
ئیستۆندا واتش ' سې پې تې جە ڕۊدېارو(٢٠ پۍ ٢٩ ) مانگەو ئەیلولې سەرداو ترکیەیش کەرڎ و دماتەر ھیچ زانیاریێوەش سەبارەڎ
بە سەرداکەی ۋەڵا نەکەردۊ. ئیستۊندا ماچۊ' ئینەېچ ڕەفتارێوە دووە ڕوانەو ئۊروپاین .
ئیستۆندا ئانەیچش وات ' ېەکێتی ئۊروپای ڕێکوستەکاو باسک-ی و کوردی بە " تیرۊریست " نامۍ بەرۊو ېارمەتی تورکیای مڎۊ
پۍ ئانەی ڕا جە کۊچکەرا گێرۊ. ئیستۆندا ماچۊ ' ېەکێتی ئۊروپای جە دماېن نمونەو وێشەنە ئانەش وست ڕووە کە ھیچ ڕێزێوەش پۍ مافەکاو مرۊڤی نیا .
ئیستۆندا ئاماژەش پانەی دا کە سەرکۊتەو ئەرەکۊشاو گەلو کوردی بۊ بە سەركۊتەو گەلو باسک-ی و ئازاڎ کەرڎەو ڕابەر " ئاپۊی"
ھەنگامێوۍ گۊرێو سەرەکیە بۊ پۍ بە دیموکراتیزەکەردەو ترکیەی. زینڎانی کەرڎەو ڕابەر ئاپۊی بە مەعناو زینڎانیکەرڎەو گەلو کوردین .
ھ.ئ
