ئیدارەو وێڕاوەبەریی شەنگالی، تیرۊرکەرڎەى "مەنال مێردین"ێش جە لاو دەوڵەتوو تورکییەیۊ بە هامبەشى چەنی پەدەکەی ئەرەیاونا. ئەرەیاونایچش، مەنال مێردینی ٤٣ ساڵێن ئینا کۊشیای پەی ئازاڎینە و چا ماوەیەیچنە ٢٠ ساڵێش جە زینڎانەکاو دەوڵەتوو تورکیاینە بییەن.
وێرەگاو هیزی ئیدارەو وێڕاوەبەریی شەنگالی ئەرەیاوناش، ڕۊو دووۍ ئی مانگۍ، جە کرڎەوێى تیرۊرسینە جە ناحیەو تل عوزێروو سەر بە شەنگالی، بە پیلانۍ هامبەشە چەنی پەدەکەی دەوڵەتوو تورکی "مەنال مێردینی"ی شۊرشگێڵ و ڕۊشنویرش شەنگالنە گەشمەرڎە کەرد.
ئیدارەو وێڕاوەبەری ئەرەیاوناش، ئێمە جارێوە تەری بە دەوڵەتوو داگیرکەروو تورکی و پەدەکەی خیانەتکاری ماچمۍ، شمە حەرچی کەرڎۍ مەتاوڎۍ ئیراڎەو ئێمە ماڕدۍ.
جە ئەرەیاوناکەو ئیدارەو وێڕاوەبەریی شەنگالینە ئامان، ڕۊشنویر و شۊڕشگێڵن "مەنال مێردینى" ٤٣ ساڵێن دلۍ بزووتنەوەو ئازاڎیی کوردستانینە کۊشیای کۊشیۊ، بەڵام جە ناحیەو تل عوزێروو شەنگالینە بە دەسوو خیانەتوو دەوڵەتوو تورکی لوا کارەوانوو نەمراوە.
حەر پاسە باس چانەیچ کریان، مەنال مێردینى چا ٤٣ ساڵەو تەمەنوو کۊشیایشنە پەی ئازاڎیی گەلوو کوردستانی، دلۍ ڕیزەکاو بزووتنەوەو ئازاڎینە، ٢٠ ساڵێ دلۍ زینڎانەکاو دەوڵەتوو تورکینە بییەن. حیچ وەختۍ سەرەش پەی فشارەکاو دەوڵەتوو تورکی نەنامنانرە.
ژ.ت
