بە بەڵگە ئاشکرا بی، سوپاو تورکیای جە مانگە ئاداريەنە ٣ ڕۊۍ سەرۊ یۆی، بە بۆمبی قەدەغەکریا و چەکی کیمیایی یورش کەردەن و جەوەرخەلێ ٦ گەریلایۍ ئازادی گیانشان بەخشان و جە (کوڕەژارۆ)چ دیمەنو ٢ گەریلایا وەڵاو کریانەوە کە باس جەبەکارئاوردەی چەکي کیمیاوی مکەرانۍ.
جە ساڵەکانو ٢٠٢١ی و ٢٠٢٢ێنە، سوپا ئەرەگێرەکەو تورکیای بەسەڎان جارێ بە بەبۆمبۍ قەدەغەکریۍ و چەکی کیمیایی یۆرشش کەردەن سەرو ھەرێمەکانو پارێزناو مەدیای. بە جۆرێ جە ئا یورشانە ٩٠ گەریلایۍ ئازادی جە دمای جەنگی و مدرامانی قارەمانەنەی بە ئا چەکە قەدەغەکریایا گیانشان بەخشان.
هەم دلینەو یاۋنەری و چاپەمەنی هەپەگە-ی و هەم ئاژانسەکەمان (فوڕات- ANF)، جە ئا بارەوە تا ئیسە چنڎین جارۍ بە ویدیۆ، دیمەن و بەڵگۍ جیاجیۍٚ بەکارئاوردەی چەکی کیمیایی و بۊمبۍ قەدەغەکریایەکاش وەڵاۋۍ کەردێنێوە و سەلەمناشان کە ڕژێمو تورکی تاوانۍ جەنگی و دژە مرۆڤایەتیی ئەنجامۍ مڎۆنە. جە ئیسەنە جارێوتەر ویدیۆ، دیمەن و بەڵگۍ تازۍ یاوێنۍ بە ئاژانەکەیمان کە جە میانشانە بەرمگنۆنە ڕژێمە بەردەوامەن جە ئەنجامدای تاۋانۍ جەنگی.
جە یۆ جە دیمەنەکانە کە مێڎانو مدرامانو بەرزایی کوڕەژاۆ-ی سەر بە هەرێمو زاپ-ی نیشانە مڎۆنە و ڕۊدیارەکەش پەی ٢٥و ئایار (گوڵان)و ئێساڵی (٢٠٢٢) مگێڵۆنەوە. بە پاو زانیاری بەدەستۋزیای جە ئا سەروبەندەنە سپا ئەرەگێرەکەو تورکیای ٣ ڕۊۍ پەیاپەی و بەردەوام بە بۆمبۍ قەدەغەکریۍ و چەکی کیمیای یورشش کەردەن کە جە ئاکامشەنە ٦ گەریلایۍ ئازادی جە دمای جەنگی و مدرامانی قارەمانانەی، گیانشان بەخشان.
هەرپاە جە دیمەنێوی تەرەنە کە مەیڎانو وەرخەلێ سەر بە هەرێمو ئاڤاشین-ی تۆمار کریان، بە ئاشکرا دیارەن سوپاو دوژمنی چەکە قەدەغەکریایەکان بەکارماوەرۆنە و سەربازەکۍ دوژمنی ماددە کیمیاویەکان سوچنانە و ژەهر و گازی کیمیاوی مکەرانێنە دلۑتونێلەکانو جەنگی. زانیان جە ئا یورشەنە دۋۍ گەریلایۍ ئازادی بەنامەکۍ: (محەمەد جان ئەڤرەن ئەشناسیا بە باز مۆردەم) و (کۆسەر عەتا ئەشناسیا بە ھەڵبەست کۆچەرین) جە دمای مدرامانی قارەمانانەی، گیانشان بەخشان.
ف.ق
