یۆگێرتەو ژەنە گەنجەکاو شەنگالی سەبارەت بە کۆکوشیی دووەموو پاریسی، کە دلێشنە ئەندامێ دەسەو ڕاوەبەریی کەجەکەی "ئەڤین گۆیی، میر پەروەر" جە بزووتنەوەو کولتووری و وەڵاتپارێزیی کورڎی "عەبدوڕەحمان کزڵ" تیرۆرێ کرییێ، ئەرەیاونایێشا وەڵا کەرڎۆ. جە ئەرەیاوناکەینە هجوومەکاو سەروو وەڵێوەبییەکا کورڎی شەرمەزار کریێ. حەر پاسە ئەرەیاونیا کە کۆکوشییەکە بە فەرمانە و ڕاپەنەڎای حکومەتوو فەڕەنسای کریان.

جە ئەرەیاناکەو "یۆگێرتەو ژەنە گەنجەکاو شەنگالی"ینە ئامان:

"پێسە گرڎما زانمێ مانگەو کانوونوو یووەمی تارێخوو کورڎینە پێسە مانگەو کۆکوشی ئشناسیێنە و تاریخنە بیێنە یووە جە ماوە و سەرڎەمە سیاوەکا. کۆکوشییەکاو مەرەشی، جە ڕۆبۆسکیچنە دژوو گلێرگەکەیما کریا و جیای ئانەی ڕۆشن کریۆوە، جیای ئانەی پەرسیۆوە جە کۆکوشییەکا، کەچی پێسە مامەڵە کەرا کە حەر کۆکوشی نەکریابۆ. حەر ئا ویرۆکەرڎەیە کۆکوشییەکاو سەروو کورڎیش زیاڎێ کەرڎێ. جە دمایین نموونەنە جە پاریسنە عەقڵیەتوو بکوشی ئاکەپە-مەهەپەی جارێوە تەر دوژمنایەتیی وێش جە دژوو کۆشیای ئازاڎی، جە دژوو گەلوو کورڎی جە کەسایەتییە وەڵێوەبییەیەکاو کۆشیای ئازادی نیشانە دا. بە هەمان شێوە هەڤاڵاو ئێمەشا گەشمەرڎێ کەرڎێ. ئا هەڤاڵێما کە چاگە گەشمەرڎێ بییێ، پەی خاکی، وەڵاتی، گلێرگەی و بڕواو وێشا، جە مەراموو ئازاڎیینە کۆشیێ. بۆنەو ئانەیۆ دژوو بندەسی کۆشیێ، کریێ ئامانج. جە شۆنێ پێسە پاریسینە کە باڵڎار بە بێ هاگاڎاریی حکومەتوو فەڕەنسای ور مەفڕۆ، پەی ئا هجووماو کۆکوشییا وەختێ پەرسەکێ پەیوەنییش بە کورڎی و کورڎەسانیوە بێ چەمێشا قووجنێ، وەڵتەریچ جە ساڵەو ٢٠١٣ینە حەر چا شارنە وەڵێوەبییەیەکاو کۆشیای ئازاڎیی ژەنا کریێ ئامانج و هەڤاڵ سارا، ڕۆناهی و رۆژبینە گەشمەرڎێ بیێ. هەگەرەکوم ئا وەختە پەرسیێوە جە بکوشا ئا هەڤاڵاما، ئارۆ هجوومی چانە نەکریێ. حکومەت ئاستشنە چەمێ نەقووجنێ. تەنیا میلـلەتەکەما، گەلوو کورڎی جە دژوو ستەمی و ناداڎی ٢٤ سەعاتە وێشا گێراو مڎرامان کەرا و پەرسایۆ جە وەرپەرسا هجوومەکا کەرا. ئا مڎرامانە ئێمە کەرمیش، ڕاو هەڤاڵ سارێن. ئانە ڕاو گرڎوو ژەناو ئێمەن، کۆشیای گرڎیمانە. جارێوە تەر ماچمێ کۆشای سارێ کۆشای گرڎیمانە، ئا جەنگە کە کریۆهینوو گرڎیمانە. داوا جە گرڎوو ژەنە گەنجە یەزیدییەکا کەرمێ کە وێشا بەقووەت کەرا، وێشا ڕێک وزا و وەرپەرسیارییەتیی وێشا وەراوەروو تاریخی جابەجا کەرا".