ڕۆو چوار شەممەی، دارستانەکێ هەورامانی جە پارێزگاو هەڵەبجەی ئێرشان گێرتەن و ئێرەکە بەخێرایی تەشەنەش ئەسان. جەئی بارەوە سەرچەمە هەرێمیەکێ ئاشکراشان کەردەن: "ئێرەکە بە خێرایی تەشەنەش ئەسان و دارستانەکێ دەگایەکێ جاوری، پاڵانیا، هاوار، هەوارەکۆن و  دەرە تفێ-ش گێرتەنەوە".

هەمان سەرچەمێ دەستنیشانشان کەردەن: "جە سەعات ١٣:٠٠و نیمەڕۆی تا ١٢:٠٠و شەوێ، ئێرەکە بەردەوام بییەن و دەنجام بە هەوڵ و کۆشای هاموڵاتیانو ناوچەکەی و پۆلیسو وەرگیری شارشتانی پارێزگاو هەڵەبجەی کۆنترۆڵکریان و کوشیانەوە. بەڵام جە ئاکامشەنە سەدان هکتارێ جە دارستانەکان سۆتێنێ و دلێنەشیێنێ و زیانی فرەی ژیوگەیشان پنەیاوان".