قه‌سه‌ده: جە ٢٤ سەعاتێ ۋیەردێنە ١٤٧ چه‌تێ داعشی کوشیێنێ
قه‌سه‌ده ئاشکراش کەرد: جە ٢٤ سەعاتێ ۋیەردێنە جە دێرزوور شەڕڤانەکێشان گورزی قورشان جە داعشی دان و ١٤٧ چه‌تێ داعشی کوشیێنێ و بڕێ چەک و تەقەمەنی دەستش سەرەر گیریان.
جە پانیشتو وەرهۆرزو ڕۋارو فوڕاتی، هێزەکێ سوریای دیموکراتیکی (قه‌سه‌ده) به‌رده‌ۋامێنێ جە دماهەمین قۆناخو هەڵمەتەو کۆتایی-ئاۋردەی بە تەرۆری. جەی چوارچێۋەنە جە شارچەکێ هه‌جین و شه‌فعه‌ی سەر بە دێرزووری گورزی قورسشان جە داعشی دان و دەیان چەتێ کوشینێ و بڕێ فرە چەک و تەقەمەنی دەستش سەرەر گیریان.
جەی بارەۋە میانگەو یاۋنەری و چاپەمەنی هێزەکێ سوریای دیموکراتیکی (قه‌سه‌ده)، ۋەڵاکریای لەشکریش دان و دلێشەنە سەبارەت بە ۲٤ سەعاتێ ۋیەردەی مێڎانەکێ جەنگی و مدرامانی ئی زانیاریێشە دێنێ:
جە شارچەو هەجینی و دەوروبەریش، شەڕڤانەکێمان هێرشان بەردەن سەرو بنکێ و بارەگانو چەتەکێ داعشی و جە ئاکامشەنە دەیان چەتێ کوشیێنێ، کۆگایێ چەک و تەقەمەنی و کارگایێ دروستکەردەی هاۋەنێ دەستشان گیریان سەرەرە. هاموەخت تیمی ئەندازەیی قەسەدەی چنڎین مینێ داعشیشان بەرئاۋردێنێ و پووچەڵێ کەردێنێۋە و ۲۱ خاڵێ سەربازیێشان مەرزنێنێرە.
هاموەخت ٤۰۰ هاموڵاتیێ سڤیلێ، کە چەتەکێ پێسەو سپەری مرۆیی بەکارێشان بەرێنێ، ڕزگارێ کریێ و فاڕیێنێۋە پەی یاگە و جای ئارام و ئاساییشی و پارێزیای.
جە شارچەو شه‌فعه‌ی و دەوروبەریش، جەنگی سەخت و دژۋار ڕووەش دێنە و جە ئاکامشەنە گورزی فرە قورس جە دوژمنی دریان، دەیان چەتێ کوشیێنێ، شەڕڤانێ ۲ کیلۆمەترێ ۋەرڕەویشان کەردەن، ۲۹ خاڵێ سەربازیێشان مەرزنێنێرە، دەستیچ گیرانسەرو بڕێ فرە چەک و تەقەمەنییەرە. هاموەخت تیمی ئەندازەیی قەسەدەی چنڎین مینێ داعشیشان بەرئاۋردێنێ و پووچەڵێش کەردێنێۋە.
ئامار:
۱٤۷ چەتێ داعشی کوشیێنێ
۱ چەکی زاگرۆس ژماره ١، ٤
۱ چەکی بڕنەو
١٢ چه‌كێ قەناسێ
٥ چەکێ (ئاڕ پی جی)ێ و ۲٥ موشەکێش
٤ مەخزەنێ قەناسێ
١ دۆشكێ ٢٣ملمە
٢ مووشه‌كێ S-begino
٢ چه‌كێ ئێم ١٦
٦٤ چەکێ كڵاشینكۆفێ
٤ تۆپێ هاوه‌نێ ١٢٠ملمێ
۱ سندوق ته‌قه‌مه‌نیی دۆشكهێ ١٢،٥ملمێ
كارگایێ دروستکەردەی هاۋەنێ
٨ چه‌كێ ئه‌ی فۆڕ (A4)ێ
۱ بیکەیسی
٧٧ ئامێرێ پەیوەندی
۱ دۆشكێ ١٢،٥ ملمە
٧٨ بنكێ سەربازیێ خاپورێ کریێنێ
٢ بنكێ مینی دلێنەبریێنێ
كارگایێ ئامادەکەردەی ماشینێ بۆمبکریێ دلێنەبریان
٦ ئۆتۆمبێلێ سەربازیێ، ٣ بنكێ هاوه‌نێ، ٤ كارگایێ ته‌قه‌مه‌نی، یەک بنکەو باڵەپڕگەو (درۆن)ی بەتەمامی خاپورێ کریێنێ
۲ڕێ سەرەکیێ سەربازیێ بەتەمامی ۋزیێنێرە
٦٤جارێ باڵەپڕە جەنگییەکێ هامپەیمانێ ماندەوڵەتی بۆردومانشان کەردەن.
