جە گرتە ڤیدیۆییەکەنە کە چېروو نامۍ 'ئېر کۊت دڵوو ئەنقەرە'ی وەڵا کریانۆ، بەرگنۆ کە گەریلاکۍ جە مېڎانوو مدرامانوو کەش و جودینە جە هەرێموو گەشمەرڎە دەلیلی جە ۋەرنیشتوو زاپی پێگەو ئەرەگیرا مکەرا ئامانج و چنڎین سەنگەرۍ دلېنەبەرا.

جە ڤیدیۆەکەنە ئۆپەراسیۆنەکە بە درۆن تۆمار کریان، لووای وەڵێوەو گەریلاکا جە دامېنوو کەشەکەینە، بە بێدەنگی بەینوو ۋێشانە قسۍ مکەرا پەی هەماهەنگی ئەنجامدای چالاکیەکەی و ساتەکاو جەنگەکەی نیشانە مڎریۆ.

تلیلیان

گەریلا کە سەروو ۋەربەسەکانرە ۋییەرانە، وەختۍ ملا سەروو 'خەتەکا دوژمنی'، دەنگوو تفەنگەکا مۍ. گەریلا یۆ بە یۆ ملانۍ دلۍ سەنگەرەکا و دەس سەروو چەکوو ئەرەگیرارە گېرا. چی وەختەنە ژەنە گەریلاکۍ 'تیلیلیشا' بەرز مکەراوە. گەریلایۍ ژەنی ماچۆ 'لووە وەڵێوە، سەنگەرەکا وشکنە'. چا وەختەنە نارنجۆکی دەسی فڕە مڎریۆ سەروو شۊنەکا دوژمنی. بە خێرایی خەتەو ۋەرگیری وەش مکەرا، ملا دلۍ گرڎوو سەنگەرەکا و بە تەمامی بنکەکەی کۆنتڕۆڵ مکەرا و دەس سەروو تفەنگەکارە گێرا.

وەختۍ 'بنکەو دوژمن'ی سۆچۆ، گەریلېوە ماچۆ 'ئېر کۊت دڵوو ئەنقەرە'ی. حەرپاسە کەناڵوو گەریلا تیڤی ئی نامېشە پەی ڤێدیۆکەی بەکارئاردەن.

گەریلایۍ گەشمەرڎە ئینا کۊڵۍ هەڤاڵەکەیشۆ

وەختوو جەنگەکەینە جەنگەوانۍ گەشمەرڎە بۆ. هامڕێکێش بە کۊڵۍ هورشگێرا و مېڎانەکەی جیامازا. چی دیمەنەنە کە هەڤاڵیەتی و دڵسۆزی گەریلاکا عالتەر بەرگنۆ، گەریلا بە جلوبەرگە ۋناویەکەیشۆ سەروو زەمینیۆ منیارە. جەنازەو گەشمەرڎەی جە دامېنوو کەشەکەینەهەڤاڵەکێش بە سەروو شانەی ماراشەرە واری.

ئاماروو جەنگەکەی

جە ئەرەیاۋناو ١٨و شوباتینە کە ناوەنڎوو ئەرەیاۋنای و چاپەمەنی هەپەگەی ئەرەیاۋناش کە ٣٧ ئەرەگیرۍ جە ئۆپراسیۆنەکەنە سزا دریێنۍ، حەرپاسە ١٥ سەنگەرۍ، ٧ کۆنتێنەرۍ، کۆگایۍ تەقەمەنی، ناوەندێوە جەنگی، سەنگەرێوە چەمڎاری، ٢ دەمانچۍ A4، نارنجۆک هۊرگیرێوە و ٢ سیستمۍ ڕادارۍ و ٥ کامێرۍ مۆبێسۍ دلېنە بریۍ.