جمیەرو تەڤ-چاندی ئۆروپانە پەی کۆچی حەقەتینو هونەرمەند شێخموس دەمیری، کە شارو گیسەنس و ئەڵمانیاینە بە مەڵامەتو نەوەشییۆ ژیوایش جەدەسدا بێ. پەیامێوەش وەڵاکەردۆ.

پەیامەکەو تەڤ-چاندی پی جۆرەنە:

"هونەرمەندو کوردی شێخموس کە بە نامێ ئاپێ سێخموسی ئشناسیا بێ، جە شارو سیسەنو ئەڵمانیاینە بە مەڵامەتو نەوەشیۆ عەمرەو خوایش کەردە. هونەرمەند شێخموس  جە ژیوای وێشەنە بەمەڵامەتو ئاردەینەی هونەرییۆ بی بە پایە و کۆڵەکێ کلتورو کوردی. بە گۆرانییەکا پێسەو "شەنگال"، "باری بارانەک باری"، "گەشمەرڏە مامەد" و گۆرانییەکا پێسە "دێرسیمی" گێڵنایۆ هەستو کوردەواری وەڵاکەردۆ. جگە جە وەڵاکەردەیۆ گۆرانیا پێسەو ئەرێمەرزنەرو گروپەکا خزمەتش بە هونەرو کوردی کەرد. یۆ چا گروپا زەردەشتو کاڵی بێ کە ساڵۆو ١٩٩٤ دەورێ گرنگش جە هونەرو کوردینە گێڵنا. هونەرمەند شێخموس دەمیر خاوەنو ئاستو پێگێوە گرنگی بێ. هەرپاسە چنین کەسێش جە بنەیانەکەو وێش سەرو هونەری پەروەردۍ کەردێ و گەرەکش بۆ بە بناغێوە جە هونەرو فولکلۆری. بە رێزۆ یاڎو هونەرمەند شێخ موس دەمیری مکەرمێوە و سەرەوەشی جە بنەیانەکەیش و هۆگراش مکەرمێنە".