لە چەلەبیەی سەر بە کانتۆنی فورات بە پێشەنگایەتی پارتی یەکێتی دیموکراتیک (پەیەدە) بەبۆنەی ٤٦ هەمین ساڵیادی دامەزراندنی پەکەکە ئاهەنگێک ڕێکخرا. نوێنەری پارتە سیاسییەکان و ڕێکخراوەکانی ژنان و سەدان هاوڵاتی بەشداربوون.

وتەبێژی پەیەدەی چەلەبیە گەردۆ خەلیل گوتی: "پارتەکەمان نزیکەی ٥٠ ساڵە بێ وەستان بۆ ئازادی و شکۆی گەلەکەی شەڕ دەکات و هەزاران گەنج لەم ڕێگەیە شەهیدبوون. تا ئازادی جەستەیی ڕێبەر ئاپۆ بەرخۆدان دەکەین و تێکۆشان گەش دەکەین".

هاوسەرۆکی مەجلیسی چەلەبیە مەیادە دەلی گوتی: "پەکەکە دژی ستەم و ئاسیمیلاسیۆنی سەر گەلی کورد دامەزرا و بووە سیمبولی بەرخۆدان و تێکۆشنا دژی ستەم و زۆرداری".

مەیادە جەختی کردەوە تا مسۆگەرکردنی ئازادیی جەستەیی ڕێبەر ئاپۆ بەرخۆدان و تێکۆشان مەزن دەکەن.