پلاتفۆڕمو ئاشتی و ئازادیی ئۆروپای (EFFP) پەی وینای ڕابەر ئاپۆی دەسش بە هەڵمەتۆو 'گەرەکما سەرۋنەو عەبدوڵا ئۆجالانی بڎەو' کەردەبې.

جە چوارچێوەو هەڵمەتەکېنە شاندێوە ٣٩ کەسی جە ڕۆنامەوانا، نویسەر، ئاکادیمی، سەندیکاوان، پەرلەمانتار و یاساشناسا جە وڵاتا جیاجیایۆ سەرشا ۋنەو ئەستەمبوڵی دابې.

یۆ جە ئەنداماو وەفدەکەیچ پەرلەمانتارو پەرلەمانو ئەڵمانیای ( بوندستاگ) پەرلەمانتاری پارتو چەپی فەراد کۆچاک بې. فەراد کۆچاک سەرو مژارەکەی پەی ئاژانسوو هەواڵو فوراتی (ANF)ی قسێش کەردې و باسش چانەیە کەرڎ ئەنداماو وەفدە ٣٩ کەسیەکەی جە گرووپی پیشەیی جیاواز و وڵاتا جیاجیایۆ ئامې بێنې. فەراد کۆچاک واتش، "پەی نموونەی جە یابانۆ، ڕۆنامەوان و پەرلەمانتارێوە، جە هیندستانۆ چالاکێوە مافەکا مرۆڤی. هەرپاسە جە سویسڕا، بەلجیکا، ئیتالیا و فەڕەنسایچۆ هەمڕێما جە وەفدەکەنە بێنې.

چی چوارچێوەنە ئێمەیچ گەرەکما بې بەشداریی جە شاندەکەینە بکەرمې. بەتایبەتی گەرەکما بې جە ئەڵمانیانە دەنگێوە گرنگ بۆنە. جە ئەڵمانیا و ئا وڵاتاوە کە بە ئەڵمانی قسې مکەرا بەشداریێوە بەهێز بې. جە ڤیەننا، هەرپاسە جە هەرێمە جیاوازەکا ئەڵمانیایچۆ بەشداریی بې.

چنی شاندەکەی شەوەی یووەمە چا یاگێنە، دماو معارەفی و یۆترین ئشناسای، ڕۊو یەرەشەممەی بی بە سەرەتاو کۆنفرانسو مانگۊو تەممووزی. سەرۋنەدای یووەمما پەی نوسینگەو یاسایی سەدەی بې کە ۋەرپەرسو پارېزنای ئێژا ئۆجالانیا.

چاکە سەرەتا سەبارەت بە پڕۆسەکەی زانیاری وەڵاکریاوە؛ قۆناغەکێ پڕۆسەو هەنووکەیشا ئەرەیاونا. دماتەر پێسە و شاندەکەی بڕێ پرسیارێ بێنێ. پارێزنەرێ هەوڵ دێنێ جواب و ئا پرسیارا داوە. بێ هورسەنگنای تاکەکەسی یان پێشبینی، بەشێوێوە پڕۆفیشناڵ جوابشا داوە.

ئی سەردایە دوور جە چەموو ئەرەیاوناکاوە بێ، وەر و ئانەی گەرەکم نییا زانیاری فرە واچوو. بەڵام جە چوارچێوەو ئی سەردانەینە پێسە و ئەنداما شاندەکەی ئێمە داواو وێما پەی وینا و ئێژا ئۆجالانی ڕادەسو پارێزنەرا کەرد، تاوەکو ئارێش یاوناش لایەنی وەرپرسو یان وەزارەتو دادو تورکیای.

جەبارە و پڕۆسەکەی جە ئیسە بەدماوە فەراد کۆچاک ئەرەیاوناش، "ئانەی گرنگا پەی ئێمە ئانەن کە جە سەردایما پەی وەزارەتو دادی کاتێوە دیاریکریاما نەنیانەرە. پەیامەکەما ڕۆشنا، دلێشەنە بە وەزارەتو دادی ماچمێ: 'ئێمە گەرەکمانە سەردانو ئێژا ئۆجالانی بکەرمێ'. وەرپرسیارێتیی دیاری کەردە و کاتەکەیش ئینا ئەستۆ و دۆڵەتینە. شمە کاتەکەما پەی دیاری بکەردێ، ئێمە ئامادێنمێ دیدار بکەرمێ."

فەراد کۆچاک ئاماژەش پانەی کەرد، شاندەکە وەڵتەریش ئاماژەش پانەی کەردەبێ کە بەمەبەسو وینا و ڕابەر ئاپۆی جارێوە تەر گلێربۆوە و واتش، "هەرپاسە ئی شاندە دما شاند مەبۆنە، ئێمە لواشۆنیرەی پەی پڕۆسەکەی مکەرمێ و هەوڵمرەیمێ بە بەشدارییێ وەرفراوانتەر گلێرێ بیمێوە.

شاندەکە بۆ بە شۆن کۊتەو ئی پڕۆسەیە. هەرپاسە وەرو  ئانەی ئێمە هەڵای بەشێوێ ڕاستەوخۆ دیدارما چنی ئێژا ئۆجالانی نەکەردەن، داواکاریما پەی سەرداکەی هەڵای بەردەواما."