یەرەمین فێستیڤاڵو زاوڵا کوردی جە ١٣و تەمموزی سەعات ١٠:٣٠ دەیەقې دەس پنە مکەرۆ، هونەرمەڼو کوردی ڕۆتیندا جە فێستیڤاڵەکەنە جە مېڎانوو وینتەرتور باربارا-ڕینهارتینە بەشدار بۆ.
بە سەرمەشقایەتی ئەنجوومەنو زاوڵا کوردی جە سویسرانە و بە پاڵپەشتی ئینستیتوتی کوردی-سویسرای، یۆبیەو ژەنا کوردی جە سویسرا (یەژەکە-سە)، گلېرگەو دیموکراتیکی کوردی جە سویسرا (جەدەکە-سە) و مېیانو گلېرگەو دیموکراتیکی کوردی جە وینتەرتور ئېساڵ یەرەم فێستیڤاڵو زاوڵا کوردی ئەنجام مڎریۆ.
جە کاتێنە سیاسەتەکێ تاونایۆ جە زاڕۆڵەیۆ دەس پنە مکەرا و سەر و ڕاکا کۆچبەرینە گەرەکشانە زوان و ئەڏې کپ کریۆ، مڏرامان و زاڕۆڵە و کوردی جارێوەتەر سەر و سەکۆیۆ بەرگنۆوە.
فێستیڤاڵو زاڕۆڵا کوردی پەی ئانەی نیشانەش دا زوانی کوردی زوانێوە زینەن ئێساڵ پەی جاری یەرەمی ئەنجام دریۆ، ڕۆو یەکشەممەی ١٣و تەمموزی سەعات ١٠:٣٠ جە مێڏانو باربارا ڕینهارت جە شارو وینتەرتوری جە سویسرانە ملۆڕاوە.
دروشموو فێستیڤاڵەکەس ئێساڵی پی جۆرەن: زوان، ڕەنگ و زاڕۆڵە: ئێمە ئینایمێ چنیشا!
جە فێستیڤاڵەکەنە جە ڕاو وۆرک شۆپی هونەری، کلتوور و هونەری کوردی پاسە کریۆ زاڕۆڵێ هۆشیاری تاریخی یاوانە.
پەی فێستیڤاڵەکەی زاڕۆڵێ ماوێوە فرەن ئامادەکاری مکەرا، تەنها چن ڕوێ مەنەن پەی دەسپنەکەردەیش و بانگەواز کریۆ پەی بەشداریکەردەی جە فێستیڤاڵەکەنە.
جە فێستیڤاڵەکەنە پێشبڕکێی شیعر، وێنە، شەترەنج ئەنجام دریۆ. هەرپاسە کۆرۆی زاڕۆڵا، گرووپ و شانۆو زاڕۆڵا و گرووپ و هورپڕاو زاڕۆلا ملانە سەر و سەکۆی.
جە فێستیڤاڵەکەنە چنی کۆماو زاڕۆڵا، هونەرمەڼې ڕۆتیندا، شەریف عۆمەری، ئەلەنۆرا گەڵاوێژە، دلبەر هێما، کۆما جالاهۆ، کۆما ئاواز میترا و کۆما دەنگی ئازاد هونەرو وێشا پێشکەش مکەرا.
