ژەنی کە جە چڼین شارې جیاجیې سەرنیشتوو کوردەسانی و تورکیایۆ بە سەرمەشقایەتی 'دەسوەڵێوستەی ژەنا پەنەوازشا بە ئاشتیا' و بە داواو 'ئاشتی' ئامې ئەنقەرە، گەرەکشا بې جە گوڤەنپارکۆ تاوەکو پەرلەمان ڕاپیمای بکەرا، بەڵام ڕاشا ۋنە گیریا. سەرەڕاو ڕاگیریەکا ژەنی جە دەروازەو چانکایەی تا پارکو پەرلەمانی ڕاپیمایشا کەرڎ و چا ئەرەیاۋنێوەشا ۋەناوە.

جە ئەرەیاۋناکەینە لافیتە بە نوویستەی "دمایی بە سەپنای قەیومی باردې با سیاسەت ئاسایی بۆوە"، "با جە گلېرۆبیەکا ئاشتیینە ئەرک بە ژەنا بڎریۆ" و "با یاساو ئەوەکۊشای جە دژو تیرۆری هۊرگیریۆ" بەرزکریاوە. هەرپاسە دروشمەکې "ژەنی، ژیۋای، ئازاڎیی"، "بژیۋۆ سەرۆک ئاپۆ" و "نا پەی جەنگی، ئاشتی پەی ئیساتې" وچیێوە.

دەقو ئەرەیاونا کوردییەکەی جە لایەن واتەواچوو کاتی کۆنفیدراسیۆنو سەندیکاکا ڕەنجدەرا جەماوەری (کەسەکە) زەلال ئانگاییۆ ونریاوە و هەرپاسە تورکییەکەش جە لایەنو ئەندامو 'دەسوەڵێ وزتەی ژەنا پەنەوازیشا بە ئاشتییا' فەریدە ئەراڵپێوە ونریاوە.

زەلال ئاماژەش بە ڕووەدایەکا وەرکەوتوو مییامینی و قڕکەردەی جە دژو کوردا، عەلەوی، ئێزدی، سەپناو  قەیومەکا، ئۆپراسیۆنەکێ جە دژو ئۆپۆزسیۆن وقەدەغەکەردەی مێڏانەکەی کەرد. هەرپاسە بانگەوازش جە پەرلەمانی کەرد وەرپرسیارێتی زەمینەی یاسایی پەی ئاشتی گێرۆنە ئەستۆ.

زەلال سەرنجش وست سەر وئانەت کە پەی چارەسەرو دیموکراتیکی و یەکسانی پەرسە و کوردی بە یەرێ داواکاریێ ئامێنێ وەردەمو  پەرلەمانی.

ئەرەیاوناکەینە ئی داواکاریێ وزیێنێ ڕووە:

- با ئیتر سیاسەت بە تاوانە نەنریۆرە و 'یاساو هەرەمن کەردەی جە دژو تیرۆر' ی هورگیریۆ. با زینانییێ سیاسیێ ئازادێ کریانە.

- مشۆم ئۆپەراسیۆنەکێ جە ناوچە سنوورییەکێ، پراکتیزەکەردە و هەرێمی ئەمنی تایبەت و گلێرۆبییەی و سەروازی چی هەرێمانە ڕاگیریانە.

- با یاسا سەروەر بۆنە و دمای بە سەپناو  قەیومی بێنە.

چالاکە و تەڤگەرو  ژەنا ئازادی (تەژەئا) گوڵستان کشاناکە جە چالاکییەکەنە قسێش کەردێ و واتش: "لوای پەرلەمان بە مانای هورگێرتە و بەرپرسیارێتی مێ. گۆرەتەرین پەرسە چی وڵاتەنە ئا ئێشێنێ کە بەمەڵامەتوو جەنگیۆ وەشێ بانە و دڵو ئەڏایا عەزییەت مرۆ. دمای ئاردەی پی جەنگەی ئینا ئەستۆو شمەنە."